امریکی صدر نے اسرائیلی وزیراعظم سے غزہ پر حملوں میں فوری کمی کا مطالبہ کردیا

امریکی صدر نے اسرائیلی وزیراعظم سے غزہ پر حملوں میں فوری کمی اورکشیدگی کے خاتمے کا مطالبہ کردیا۔

وائٹ ہاؤس کے مطابق امریکی صدر جوبائیڈن اوراسرائیلی وزیراعظم نیتن یاہو کے درمیان ٹیلیفونک رابطہ ہوا جس میں امریکی صدر نے اسرائیلی وزیراعظم سے غزہ پر حملوں میں فوری کمی اورکشیدگی کے خاتمے کا مطالبہ کیا۔

اسرائیلی میڈیا کادعویٰ ہےکہ نیتن یاہو نے جوبائیڈن کوبتادیا کہ اہداف کے حصول تک غزہ میں جنگی کارروائی جاری رہےگی۔

دوسری جانب اسرائیلی وزیراعظم نے اپنے ویڈیو بیان میں بھی حماس کے خلاف حملے جاری رکھنے کا اعلان کیا۔

علاوہ ازیں اسرائیلی فوج نے غزہ میں حماس کی 100 کلومیٹر طویل سرنگوں کو تباہ کرنے کا دعویٰ بھی کیا ہے اور اسرائیلی حملوں میں شہدا کی تعداد242 ہوگئی جب کہ  1500 سے زائد زخمی ہیں۔

مقبوضہ بیت المقدس میں فلسطینی مظاہرین اور اسرائیلی فوج میں جھڑپیں

فلسطینی مظاہرین سے جھڑپوں میں اسرائیلی فوج نے شیلنگ اور براہ راست فائرنگ کی جس سے متعدد افراد زخمی ہوگئے۔

بائیڈن کا نیتن یاہوکی جنگی پالیسی پر صبرکا پیمانہ لبریز ہو رہا ہے، امریکی میڈیا

جو بائیڈن نے اسرائیلی وزیراعظم نیتن یاہو سےکہا ہےکہ وہ آج ہی غزہ حملوں میں قابل ذکر کمی دیکھنا چاہتے ہیں، امریکی میڈیا