12 جولائی ، 2021
کورونا کے بڑھتے کیسز کی وجہ سے نیشنل کمانڈ اینڈ کنٹرول سینٹر (این سی او سی) نے تمام صوبوں کو ایس او پیز پر سختی سے عمل درآمد کروانے کی ہدایات جاری کر دی ہیں۔
این سی اوسی نے ریسٹورنٹس، جمنازیم، سینما گھروں اور شادی ہالز انتظامیہ اور شرکا کے لیے بھی کورونا ویکسی نیشن لازمی قرار دے دی ہے۔
اس کے علاوہ صوبوں کو اندرون اور بیرون شہر ٹرانسپورٹ، مساجد اور بازاروں کے لیے پہلے سے جاری ایس او پیز پر عملدرآمد یقینی بنانے کی ہدایات بھی دی گئی ہیں۔
این سی او سی کے مطابق گلگت بلتستان، آزاد کشمیر اور خیبر پختونخوا میں سیاحوں کی ہوٹل میں بکنگ کے لیے ویکسی نیشن شرط ہو گی، خلاف ورزی کرنے والے افراد اور ادارے کے خلاف سخت کارروائی کی جائے گی۔