20 اکتوبر ، 2012 
لاہور: 42813 پاکستانیوں نے قومی ترانہ پڑھ کا ورلڈ ریکارڈ قائم کردیا
20 اکتوبر ، 2012
لاہور … نیشنل ہاکی اسٹیڈیم لاہور میں 42 ہزار 813 افراد نے ایک ساتھ قومی ترانہ پڑھنے کا ورلڈ ریکارڈ قائم کردیا، گنیز بک آف ورلڈ ریکارڈ نے پاکستان کو سرٹی فکیٹ دے دیا۔ لاہور کے نیشنل ہاکی اسٹیڈیم میں گنیز بک آف ورلڈ ریکارڈ کے نمائندے گیرتھ ڈیوز نے اعلان کرتے ہوئے بتایا کہ 42 ہزار 813 پاکستانیوں نے ایک ساتھ قومی ترانہ پڑھ کر نیا عالمی ریکارڈ قائم کردیا ہے۔ اس موقع پر انہوں نے اردو میں کہاکہ آپ نے ورلڈ ریکارڈ بنادیا۔ گیرتھ ڈیوز نے بتایا کہ اس سے قبل بھارت میں 15 ہزار افراد نے ایک ساتھ قومی ترانہ پڑھا تھا۔ پنجاب اسپورٹس بورڈ کے زیر اہتمام یوتھ فیسٹیول کی افتتاحی تقریب میں ہزاروں افراد نے ایک ساتھ قومی ترانہ پڑھا۔تقریب میں وزیراعلیٰ پنجاب شہباز شریف، معروف سنگر علی ظفر، کھلاڑیوں، طلباء و طالبات سمیت مختلف شعبہ جات سے تعلق رکھنے والے افراد نے شرکت کی۔
