13 نومبر ، 2021 
اسلام آباد ہائیکورٹ آوارہ کتوں کو زہر دیکر مارنے پر شدید برہم، متعلقہ افسران طلب
13 نومبر ، 2021
اسلام آباد ہائیکورٹ نے آوارہ کتوں کو زہر دے کرمارنے پر برہمی کا اظہار کیا ہے۔
اسلام آباد ہائیکورٹ میں کیس کی سماعت کے دوران چیف جسٹس اطہر من اللہ نے استفسار کیا کہ افسران پیش ہوکر بتائیں کہ عدالتی احکامات کی خلاف ورزی کیوں کی گئی؟ عدالت نےآوارہ کتوں کو تکلیف سے مارنے کے بجائے پالیسی بنانے کا حکم دیا تھا۔
عدالت نے کہا کہ چیئرپرسن وائلڈ لائف مینجمنٹ بورڈ بتائیں آوارہ کتوں کوتکلیف سے بچانے کے لیےکیاپالیسی بنائی؟ کیوں نہ عدالتی احکامات کی خلاف ورزی کرنے والوں کے خلاف کارروائی کی جائے؟
عدالت نے چیئرمین سی ڈی اے، وائلڈ لائف مینجمنٹ بورڈ اور میٹرو پولیٹن کارپوریشن کونوٹس جاری کردیے اور عدالتی احکامات کی خلاف ورزی کرنے والے تمام افسران کو 16 نومبر کو طلب کرلیا۔
