16 فروری ، 2012 
کراچی :پٹیل پاڑہ میں پولیس میں مقابلہ ،دو ڈاکو ہلاک
16 فروری ، 2012
کراچی … کراچی کے علاقے پٹیل پاڑہ میں کار سوار ملزمان اور پولیس میں مقابلے کے دوران دو ڈاکو ہلاک جبکہ ایک پولیس افسر زخمی ہوگیا، ملزمان کی گاڑی سے ایک خاتون کو بھی پولیس نے حراست میں لے لیا ہے۔ایس ایس پی ایسٹ خادم رند نے جیو نیوز کو بتایا کہ پٹیل پاڑہ کے قریب جمشید کوارٹرز کی موبائل معمول کے گشت پر تھی کہ ملزمان نے پولیس کو دیکھ کر بھاگنے کی کوشش کی جس دوران ان کی گاڑی دوسری گاڑی سے ٹکرا گئی، پولیس اہلکاروں نے اترنے کی کوشش کی تو ملزمان نے فائرنگ کردی جس سے اے ایس آئی اعجاز زخمی ہو گیا جبکہ پولیس نے جوابی فائرنگ میں دونوں ملزمان کو ہلاک کردیا۔ اس دوران گاڑی میں ایک خاتون بھی سوار تھی جس پولیس نے گاڑی اور اسلحے سمیت حراست میں لے لیا ہے، ایس ایس پی ایسٹ کے مطابق ملزمان کی تاحال شناخت نہیں ہوئی ہے جبکہ حراست میں لی گئی خاتون کے بارے میں بھی ابھی کچھ کہنا قبل از وقت ہوگا۔
