سپریم کورٹ کا حکم، غیر قانونی کیمپسز میں زیرِ تعلیم طلبہ کے مستقبل پر سوالیہ نشان
15 دسمبر ، 2021
سپریم کورٹ کے حکم کے بعد ملک بھر میں نجی یونیورسٹیز کے غیر قانونی کیمپسز میں زیرِ تعلیم طلبہ کے مستقبل پر سوالیہ نشان لگ گیا۔
ہائیر ایجو کیشن کمیشن کی ویب سائٹ کے مطابق پنجاب میں 97، سندھ میں 36، خیبر پختونخوا میں 11، آزاد کشمیر میں 3 اور اسلام آباد میں ایک غیر قانونی یونیورسٹی یا یونیورسٹی کا غیر قانونی کیمپس موجود ہے۔
خیال رہے کہ آج سپریم کورٹ نے ہائیر ایجوکیشن کمیشن (ایچ ای سی) کو ملک بھر کی پرائیویٹ یونیورسٹیز کے غیر قانونی کیمپس بند کرنے کا حکم جاری کیا ہے۔
عدالت نے قرار دیا کہ ایچ ای سی یونیورسٹیوں کے غیر قانونی کیمپس سے پاس آؤٹ ہونے والے طلبہ کومخصوص طریقہ کار کے تحت ڈگریاں فراہم کرے، ملک بھر میں یکساں پالیسیز پر عمل درآمد یقینی بنایاجائے، نوجوان نسل کی اعلٰی تعلیم کی فراہمی پر کوئی سمجھوتہ نہیں ہو گا۔
