01 جنوری ، 2022 
پاکستان
برکت نامی اہلکار کو گردن میں گولی لگی جس سے وہ جانبر نہ ہوسکا: فوٹو جیونیوز
کراچی: سپرہائی وے پر پولیس اہلکاروں پر فائرنگ، ایک شہید دوسرا زخمی
01 جنوری ، 2022
کراچی میں سپر ہائی وے پر فائرنگ سے ایک پولیس اہلکار شہید اور دوسرا زخمی ہوگیا۔
پولیس کے مطابق واقعہ سائٹ سپر ہائی وے تھانے کی دود فقیرا گوٹھ میں پیش آیا جہاں علاقے میں گشت کرنے والے پولیس اہلکاروں پر موٹر سائیکل سوار ملزمان نے فائرنگ کی۔ جس سے 2 پولیس اہلکار شدید زخمی ہوگئے۔
پولیس کے مطابق زخمی اہلکاروں کو فوری طبی امداد کے لیے اسپتال منتقل کیا گیا جہاں ایک اہلکار دوران علاج دم توڑ گیا جس کی شناخت برکت کے نام سے ہوئی۔
ڈاکٹر کے مطابق برکت نامی اہلکار کو گردن میں گولی لگی جس سے وہ جانبر نہ ہوسکا جب کہ دوسرے اہلکار کو کولہے میں گولی لگی جسے طبی امداد فراہم کی جارہی ہے۔
