01 جنوری ، 2022 
پاکستان
لیہ: کراچی پولیس کو مطلوب ملزم کو مسلح افراد نے پولیس پر حملہ کرکے چھڑا لیا
01 جنوری ، 2022
لیہ میں کراچی پولیس کو مطلوب ملزم کو مسلح افراد نے پولیس پر حملہ کرکے چھڑا لیا۔
مدعی مقدمہ ممتازحسین کے مطابق ملزم دو سال سے آبائی شہر لیہ میں روپوش تھا۔
پولیس کا کہنا ہےکہ لیہ کے اعظم چوک تھانہ پولیس نے ملزم کوگزشتہ ہفتےگرفتارکیا تھا، ملزم کی کراچی منتقلی کے لیے محکمہ داخلہ کی اجازت سےکراچی سے 2 رکنی پولیس پارٹی لیہ پہنچی تھی۔
لیہ کے تھانے سے نکلتے ہی مسلح افراد نےکراچی پولیس پارٹی کو گھیرلیا اور پولیس اہلکاروں کو زدوکوب کرکے حملہ آور ملزم محمد رمضان کو چھڑا کرلےگئے، ملزم رمضان پربوگس چیک کا مقدمہ درج ہے۔
