05 جنوری ، 2022 
پاکستان
کراچی سے اندرون ملک جانے والی پارسل ٹرین کی متعدد بوگیاں پٹری سے اتر گئیں، ریلوے ذرائع— فوٹو: جیو نیوز
ٹنڈوآدم کے قریب مال بردار گاڑی کو حادثہ، اپ ٹریک آمدورفت کیلئے بند
05 جنوری ، 2022
کراچی سے اندرون ملک جانے والی مال بردار ریل گاڑی کو ٹنڈوآدم کے قریب حادثہ پیش آیا ہے۔
ریلوے ذرائع کے مطابق کراچی سے اندرون ملک جانے والی پارسل ٹرین کی متعدد بوگیاں پٹری سے اتر گئیں جس کے باعث اپ ٹریک کو آمد و رفت کیلئے بند کردیا گیا۔
ریلوے حکام کا کہنا ہے کہ حادثے میں کسی جانی نقصان کی اطلاع نہیں ملی۔
ریلوے ذرائع کا کہنا ہے کہ مال بردار گاڑی کی ڈی ریلنگ کی وجہ سے پٹری کو نقصان پہنچا۔
ریلوے حکام کے مطابق کراچی سے جانے والی کئی ٹرینوں کو روک لیا گیا ہے اور حادثے کے مقام پر امدادی ٹیمیں روانہ کردی گئی ہیں۔
