08 جنوری ، 2022 
پاکستان
نارتھ ناظم آباد کے زیر زمین سیوریج نالے میں بھی دھماکا
08 جنوری ، 2022
کراچی وسطی کے علاقے نارتھ ناظم آباد میں سخی حسن کے قریب ایک زیر زمین سیوریج نالے میں دھماکا ہوا ہے تاہم کسی جانی یا مالی نقصان کی اطلاع نہیں ملی۔
کراچی ویسٹ زون پولیس آفس کے ڈپٹی سپرنٹنڈنٹ پولیس ایڈمنسٹریشن ناصر بخاری کے مطابق نارتھ ناظم آباد کے شیر شاہ سوری روڈ پر سخی حسن فلائی اوور کے قریب موبائل مارکیٹ کے ساتھ گزرنے والے سیوریج نالے کو دکانداروں نے غیر قانونی طور پر اوپر سے بند کر رکھا ہے جہاں ہفتے کی شام دھماکا ہوا۔
دھماکے میں کوئی جانی نقصان نہیں ہوا۔ ناصر بخاری کے مطابق علاقہ پولیس موقع پر پہنچ گئی اور پولیس کے متعلقہ شعبے سے معائنہ کرایا جا رہا ہے۔
