15 فروری ، 2022 
انجری کا شکار شاداب کی مداحوں سے دعاؤں کی درخواست
15 فروری ، 2022
پاکستان سپرلیگ سیزن 7 میں شامل ٹیم اسلام آباد یونائیٹڈ کے کپتان شاداب خان نے مداحوں سے دعاؤں کی درخواست کی ہے۔
گزشتہ روزکراچی کنگز کے خلاف لاہور کے قذافی اسٹیڈیم میں کھیلے گئے میچ کے دوران اسلام آباد کے2 کھلاڑی کپتان شاداب خان اور فاسٹ بولر ذیشان ضمیر انجری کا شکار ہوئےتھے۔
شاداب کی عدم موجودگی میں کپتانی کے فرائض آصف علی نے سرانجام دیے تھے۔
تاہم اب شاداب نے اپنی ٹوئٹ میں مداحوں کو انجری کے حوالے سے آگاہ کیا اور اپنی ٹیم اسلام آباد یونائیٹڈ پر فخر کا اظہار کرتے ہوئے سب کھلاڑیوں اور ٹیم ممبران کا شکریہ ادا کیا۔
شاداب نے لکھا کہ بدقسمتی ہے اب تک انجری کے حوالے سے کچھ نہیں کہہ سکتا، برائے مہربانی میرے اور میری ٹیم کے لیے دعا کریں۔
پی ایس ایل کے پوائنٹس ٹیبل کی بات کی جائے تو ملتان سلطانز اس وقت 7 میچز میں 12 پوائنٹس کے ساتھ سر فہرست ہے جب کہ لاہور قلندرز10 پوائنٹس کے ساتھ دوسرے اور اسلام آباد یونائیٹڈ تیسرے نمبر پر موجود ہے۔
مزید خبریں :
کراچی پریمیئر لیگ ملیر ڈولفنز نے جیت لی
11 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
