24 فروری ، 2022 
ویرات کوہلی کی 'تربان' پہنے تصاویر وائرل، مداحوں نے سردار جی کا لقب دیدیا
24 فروری ، 2022
بھارتی ٹیم کے مایہ ناز بلے باز اور سابق کپتان ویرات کوہلی کی نئے انداز میں تصاویر اور ویڈیوز سامنے آئی ہیں جن میں انہوں نےروایتی سکھ پگڑی (تربان) پہن رکھی ہے۔
سوشل میڈیا پر سامنے آنے والی بعض تصاویراور ویڈیوز میں دیکھا جاسکتا ہےکہ ویرات کے قریب انوشکا شرما بھی موجود ہیں۔
ویرات کوہلی کے نئے انداز پر صارفین نے حیرت کا اظہار کیا ہے، بعض صارفین کا کہنا تھا کہ کیا 'فلم رب نے بنادی جوڑی' کا پارٹ 2 بنایا جارہا ہے، کچھ صارفین نے تو کوہلی کو اداکاری کے شعبے میں قدم رکھنے پر مبارک باد بھی دے ڈالی،کسی نے انہیں سردار جی کا لقب بھی دے ڈالا۔
کوہلی کی تصاویر پر بعض صارفین نے تنقیدی تبصرے بھی کیے اور کہا کہ وہ کرکٹ چھڑ کر یہی کرلیں۔
بھارتی میڈیا کے مطابق ویرات کوہلی اور انوشکا شرما ممبئی میں ایک اشتہار کی شوٹنگ کر رہے تھے۔
مزید خبریں :
کراچی پریمیئر لیگ ملیر ڈولفنز نے جیت لی
11 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
