کھیل
26 جون ، 2022

بھارتی کرکٹ ٹیم کے کپتان روہت شرما کا کووڈ ٹیسٹ مثبت آگیا

وہت شرما کا آج پی سی آر ٹیسٹ کیا جائے گا: بی سی سی آئی—فوٹو: ٹوئٹر
وہت شرما کا آج پی سی آر ٹیسٹ کیا جائے گا: بی سی سی آئی—فوٹو: ٹوئٹر

بھارتی کرکٹ ٹیم کے کپتان روہت شرما کا کووڈ  ٹیسٹ مثبت آگیا۔

روہت شرما کو کووڈ ہونے کی تصدیق بھارتی کرکٹ بورڈ کی جانب سے ٹوئٹر پر کی گئی۔

بی سی سی آئی نے اپنی ٹوئٹ میں بتایا کہ روہت شرما کا ہفتے کو کیے جانے والا ریپڈ ٹیسٹ مثبت آیا ہے جس کے بعد کپتان انگلینڈ کے ہوٹل میں آئسولیشن میں رہیں گے۔

بھارتی کرکٹ بورڈ کے مطابق روہت شرما کا آج پی سی آر ٹیسٹ کیا جائے گا۔

روہت شرما کے کورونا وائرس کا شکار ہونے کی خبر لیسٹر شائر میں وارم اپ میچ کے تیسرے روز سامنے آئی، انگلینڈ کے لیے روانگی سے قبل بھارت میں ہی اسپنر روی چندرن ایشون کا کووڈ ٹیسٹ مثبت آیا تھا۔

واضح رہے کہ انگلینڈ اور بھارت کے درمیان ٹیسٹ میچ یکم جولائی سے ایجبسٹن میں کھیلا جائے گا، یہ ٹیسٹ میچ گزشتہ برس کووڈ 19 کی وجہ سے ختم کی جانے والی سیریز کا آخری ٹیسٹ میچ ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM