انحراف کرنے والے ارکان کا ووٹ شمار کیا جائے: جسٹس مظہر عالم کا اختلافی نوٹ جاری

سپریم کورٹ میں آئین کے آرٹیکل 63 اے کی تشریح سے متعلق صدارتی ریفرنس کے معاملے پر جسٹس مظہرعالم میاں خیل کا 17صفحات پرمشتمل اختلافی نوٹ جاری کردیا گیا۔

انحراف کرنے والے رکن کا ووٹ شمار ہوگا: جسٹس مظہر اور جسٹس جمال کا اختلافی نوٹ

آرٹیکل 63 اے کی تشریح پر بینچ کے دو ججز جسٹس جمال مندوخیل اور جسٹس مظہر عالم میاں خیل نے فیصلے سے اختلاف کیا ہے

اختلافی نوٹ میں جسٹس مظہر عالم نے لکھا کہ آرٹیکل 63 اےمیں منحرف اراکین کیخلاف کارروائی کامکمل طریقہ دیا گیا ہے، آرٹیکل 63 اے کی مزید تشریح کرنا آئین دوبارہ لکھنے کے مترادف ہے، آرٹیکل 63 اےدوبارہ لکھنےکی کوشش کی تو دیگر آئینی شقیں متاثر ہوں گی۔

اختلافی نوٹ میں کہا گیا ہے کہ ریفرنس بغیر  رائے دیے واپس بھجوایا جاتا ہے، پارلیمنٹ خود سے سزا یا پابندیاں لگاناچاہے تو آزاد ہے، الیکشن کمیشن کو بھیجا گیا ریفرنس منظور کیا جاتا ہے تو  رکن کی سیٹ خالی تصور ہوگی۔

اختلافی نوٹ میں لکھا  گیا کہ آئین پاکستان میں منحرف اراکین کوالیکشن کمیشن کے فیصلے کیخلاف اپیل کاحق ہے، انحراف کرنے والے ارکان کا ووٹ شمار کیا جائے۔

آرٹیکل 63 اے کی تشریح: پی ٹی آئی کی درخواستیں خارج، منحرف ارکان تاحیات نااہلی سے بچ گئے

منحرف رکن کا ووٹ شمار نہیں ہو سکتا، انحراف پر نااہلی کےلیے قانون سازی کا درست وقت یہی ہےِ، چیف جسٹس، فیصلے کی حمایت 3 ججز نے کی، 2 نے اختلافی نوٹ لکھا

خیال رہے کہ آرٹیکل 63 اے سے متعلق فیصلہ سناتے ہوئے چیف جسٹس عمر عطا بندیال کا کہنا تھا کہ تین، دو کی اکثریت سے فیصلہ سنایا جاتا ہے، جسٹس جمال مندوخیل اور جسٹس مظہر عالم میاں خیل نے اختلافی نوٹ لکھے جب کہ جسٹس عمر عطا بندیال، جسٹس اعجازالاحسن اور جسٹس منیب اختر نے اکثریتی رائے دی۔

چیف جسٹس کا کہنا تھا کہ صدارتی ریفرنس نمٹایا جاتا ہے، سوال تھا کہ منحرف رکن کا ووٹ شمار ہو یا نہیں، آرٹیکل 63 اے اکیلا پڑھا نہیں جاسکتا، آرٹیکل 63 اے اور آرٹیکل 17سیاسی جماعتوں کےحقوق کے تحفظ کے لیے ہے، سیاسی جماعتوں میں استحکام لازم ہے، انحراف کینسر ہے، انحراف سیاسی جماعتوں کو غیرمستحکم اور پارلیمانی جمہوریت کو ڈی ریل بھی کرسکتاہے، سیاسی جماعتیں جمہوری نظام کی بنیاد ہیں، سیاسی جماعتوں کے حقوق کا تحفظ کسی رکن کے حقوق سے بالا ہے، منحرف رکن کا ووٹ شمار نہیں ہوسکتا۔