22 جولائی ، 2022 
تیل کی قیمتیں بڑھنے سے سعودیہ سے ملنے والے تیل کی مقدار کم ہو گئی: ترجمان پیٹرولیم ڈویژن
22 جولائی ، 2022
اسلام آباد: ترجمان پیٹرولیم ڈویژن سید ذکریا علی شاہ کا کہنا ہے کہ عالمی منڈی میں تیل کی قیمتیں بڑھنے سے سعودی عرب سے پاکستان کو ملنے والے تیل کی مقدار بھی کم ہو گئی ہے۔
جیو نیوز سے گفتگو کرتے ہوئے سید ذکریا علی شاہ نے بتایا کہ سعودی عرب پاکستان کو ماہانہ 10 کروڑ ڈالر کا تیل فراہم کر رہا ہے، سعودی عرب سے یہ تیل پاکستان کو تاخیری ادائیگیوں پر مل رہا ہے۔
ترجمان پیٹرولیم ڈویژن کا کہنا ہے کہ عالمی سطح پر تیل کی قیمتیں بڑھنے سے پاکستان کو فراہم کیے جانے والے تیل کی مقدار کم ہو گئی ہے تاہم سعودی عرب سے یہ سہولت بڑھانے کے لیے بات چیت چل رہی ہے۔
سید ذکریا علی شاہ نے بتایا کہ پاکستان چاہتا ہے سعودی عرب سے کم ازکم اتنا تیل مل سکے کہ قیمتیں بڑھنے کے باوجود مقدار کم نہ ہو تاہم اس حوالے سے ابھی کوئی حتمی فیصلہ نہیں ہوا۔
مزید خبریں :
پاکستان کی بیلاروس کو رکشے برآمدکرنےکی پیشکش
3 گھنٹے پہلے
سونےکی قیمت میں مسلسل چھٹے روز اضافہ، فی تولہ سونا کتنےکا ہوگیا؟
23 نومبر ، 2024
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
سونے کی قیمت میں بڑا اضافہ، فی تولہ کتنے کا ہوگیا؟
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
