وفاقی حکومت نے ڈی جی ایف آئی اے کو عہدے سے ہٹا دیا
27 جولائی ، 2022
وفاقی حکومت نے بیوروکریسی میں اعلیٰ سطح پر تبادلہ کرتے ہوئے ڈی جی ایف آئی اے کو عہدے سے ہٹا دیا۔
ذرائع کے مطابق وفاقی کابینہ نے ڈی جی ایف آئی اے رائے طاہر کو عہدے سے ہٹانے اور ان کی جگہ محسن بٹ کو نیا ڈی جی ایف آئی اے لگانے کی منظوری دے دی ہے۔
ذرائع کا بتانا ہے کہ محسن بٹ پولیس سروس کے گریڈ 22 کے افسر ہیں۔
ذرائع کا کہنا ہے کہ رائے طاہر کو انسداد دہشتگردی کا نیشنل کوآرڈینیٹر لگا دیا گیا ہے۔
یاد رہے کہ چند روز قبل وفاقی حکومت نے آئی جی پنجاب راؤ سردار علی کا بھی تبادلہ کرتے ہوئے ان کی جگہ فیصل شاہکار کو نیا آئی جی تعینات کیا تھا۔
