ویڈیو: پانی کے بلبلے ہاتھی کے بچے کو بھی بھاگئے

ٹیکساس کے فورٹ ورتھ چڑیا گھر میں 10 ماہ کے ہاتھی کے بچے کی پانی کے بلبلوں کے ساتھ کھیلنے کی ویڈیو نے سب کے دلوں کو موہ لیا ہے۔

سوشل میڈیا پر وائرل ویڈیو میں 10 ماہ کے ہاتھی کے بچے کو پانی کے بلبلوں کے ساتھ کھیلتے دیکھا جا سکتا ہے۔

یہ مصنوعی بلبلے چڑیا گھر کی انتظامیہ کی جانب سے ایک مشین سے بنائے گئے، انتظامیہ کے مطابق ہاتھی کے بچے کو کھیلنے کے لیے ایک نئی چیز کا تجربہ کروایا گیا جسے ہاتھی کے بچے نے خوب پسند کیا ہے۔

چڑیاگھر انتظامیہ کی جانب سے ہاتھی کے اس بچے کا نام برازوس رکھا گیا ہے اور فورٹ ورتھ زو کے سوشل میڈیا پیج پر موجود ویڈیو صارفین کی توجہ سمیٹ رہی ہے۔