31 اگست ، 2022 
خواب تھا پاکستان کی طرف سے کھیلوں: کپتان ہانگ کانگ
31 اگست ، 2022
ہانگ کانگ کے کپتان نزاکت خان نے کہا ہےکہ ان کا خواب تھا کہ وہ پاکستان کی نمائندگی کریں۔
جیو نیوز سے گفتگو کرتے ہوئے نزاکت خان نے کہا 'میرا خواب تھا کہ میں پاکستان کی طرف سے کھیلوں لیکن پھر میں ہانگ کانگ منتقل ہو گیا،اب ہانگ کانگ کی نمائندگی کرتاہوں اور ہانگ کانگ ہی میری ٹیم ہے۔
انہوں نے کہا کہ پاکستان کے خلاف میچ کےلیے ہم سب بہت پرجوش ہیں، میں پاکستان کے خلاف ایشیا کپ میں دوسری مرتبہ کھیل رہا ہوں، یقین ہے کہ ہم پاکستان کے خلاف میچ میں اچھا کھیلیں گے۔
نزاکت خان کا کہنا تھا کہ بابراعظم اس وقت کرکٹ کا ایک بڑا ستارہ بننے جا رہا ہے، وہ تسلسل کے ساتھ پرفارم کر رہے ہیں اور کپتانی میں ذمہ داری لیتے ہیں، میں بیٹنگ اور کپتانی میں بابر اعظم کے نقش قدم پر چلنے کی کوشش کرتا ہوں جب کہ بولنگ میں شاہین آفریدی پسند ہیں، جیسی وہ بولنگ کرتے ہیں وہ شاندار ہے۔
واضح رہے کہ ایشیا کپ ٹی ٹوئنٹی میں پاکستان اور ہانگ کانگ کے درمیان میچ 2 ستمبر بروز جمعہ کو شام 7 بجے کھیلا جائے گا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
