11 اکتوبر ، 2022 
پاکستان
حکومت کی تمام اتحادی جماعتیں عوام کی فلاح و بہبود کے لیے یک جان ہو کر کام کرتی رہیں گی: اعلامیہ— فوٹو: ن لیگ آفیشل
پاکستان مسلم لیگ (ق) کے رہنماؤں نے حکومت کے ساتھ کھڑے رہنے کے عزم کا اعادہ بھی کیا— فوٹو: ن لیگ آفیشل
چوہدری شجاعت کی وزیراعظم سے ملاقات، حکومت کیساتھ کھڑے رہنے کے عزم کا اعادہ
11 اکتوبر ، 2022
وزیراعظم شہباز شریف سے مسلم لیگ (ق) کے سربراہ چوہدری شجاعت نے ملاقات کی ہے۔
وزیراعظم ہاؤس میں ہونے والی ملاقات میں وزیر داخلہ رانا ثنا اللہ، وزیر نیشنل فوڈ سکیورٹی طارق بشیر چیمہ، وزیر قانون اعظم نذیر تارڑ اور وزیر برائے سرمایہ کاری بورڈ چوہدری سالک حسین بھی موجود تھے۔
اعلامیے کے مطابق ملاقات میں ملک کی سیاسی اور مجموعی صورت حال پر بات چیت کی گئی۔
اعلامیے میں کہا گیا ہے کہ ملاقات میں اتفاق کیا گیا حکومت کی تمام اتحادی جماعتیں عوام کی فلاح و بہبود کے لیے یک جان ہو کر کام کرتی رہیں گی۔
پاکستان مسلم لیگ (ق) کے رہنماؤں نے حکومت کے ساتھ کھڑے رہنے کے عزم کا اعادہ بھی کیا۔
