21 اکتوبر ، 2022 
پاکستان
پی ٹی آئی کی قیادت کی اپیل پر اسلام آباد، لاہور، کراچی اور پشاور میں بھی مظاہرے کیے گئے— فوٹو: اسکرین گریب
عمران کی نااہلی کیخلاف احتجاج ، فیض آباد میں پولیس کی پی ٹی آئی کارکنوں پر شیلنگ
21 اکتوبر ، 2022
پاکستان تحریک انصاف کے کارکنوں نے سابق وزیراعظم عمران خان کی نا اہلی کے خلاف راولپنڈی میں فیض آباد کے مقام پر احتجاج کیا۔
الیکشن کمیشن نے عمران خان کو توشہ خانہ کیس میں نا اہل قرار دیا ہے جس کے بعد پی ٹی آئی قیادت کی جانب سے کارکنوں سے احتجاج کی اپیل کی گئی تھی۔
راولپنڈی میں فیض آباد انٹر چینج پر بھی پی ٹی آئی کارکنوں نے احتجاج کیا جہاں پولیس اور مظاہرین میں تصادم ہوگیا۔
پولیس نے مظاہرین کو منتشر کرنے کیلئے شیلنگ کی۔
پی ٹی آئی کی قیادت کی اپیل پر اسلام آباد، لاہور، کراچی اور پشاور میں بھی مظاہرے کیے گئے جبکہ ملتان، گجرات ،رحیم یارخان ،اوکاڑہ،مردان ،سوات،نوشہرہ میں بھی احتجاج کیا گیا اور مختلف مقامات پر پی ٹی آئی کارکنوں نے سڑکیں بلاک کردیں۔
