کراچی کے ووٹرز کی پسندیدگی میں واضح تبدیلی، نیا سروے سامنے آگیا
02 نومبر ، 2022
حال ہی میں کیے گئے ایک سروے میں یہ بات سامنے آئی ہے کہ کراچی کے ووٹرز کی پسندیدگی میں تبدیلی واضح آئی ہے۔
پلس کنسلٹنٹ نے کراچی کے شہریوں کی رائے پر مبنی نیا سروے جاری کیا ہے جس کے مطابق 32 فیصد شہری قومی اسمبلی کے لیے پاکستان تحریک انصاف کو ووٹ دینے کے لیے پہلی پسند کہتے ہیں۔
لیکن بلدیاتی انتخابات کے لیے کراچی کے شہریوں کی پہلی پسند جماعت اسلامی نظر آتی ہے۔
سروے کے مطابق ماضی میں کراچی کی اہم حکمران جماعت ایم کیو ایم پاکستان قومی اور بلدیات کے لیے ووٹرز کی پسندیدگی میں چوتھے اور پانچویں نمبر پر رہی۔
