06 دسمبر ، 2012 
ہاکی چیمپئنز ٹرافی کے کوارٹر فائنل میں پاکستان نے جرمنی کو ہرادیا
06 دسمبر ، 2012
ملبورن…شکیل عباسی کے دو گولز کی بدولت پاکستان نے چیمپینز ٹرافی ہاکی ٹورنامنٹ کے سیمی فائنل میں جگہ بنالی، گرین شرٹس نے جرمنی کو دو ایک سے شکست دی۔میلبرن میں جاری ایونٹ کے پہلے کوارٹر فائنل میں پاکستان ٹیم کا مقابلہ تھا اولمپک چیمپین جرمنی سے، جرمنی نے کھیل کے نویں منٹ میں پہلا گول اسکور کرکے برتری تو حاصل کی، لیکن گرین شرٹس نے دوسرے ہاف میں شاندار کھیل پیش کیا، شکیل عباسی نے جارحانہ کھیل جاری رکھتے ہوئے 39ویں منٹ میں برتری ختم کی ۔میچ کے 50ویں منٹ میں سابق کپتان نے دوسرا اور فیصلہ کن گول کرکے پاکستان کو دو ایک کی برتری دلادی، جو آخر تک برقرار رہی۔ 2004 کے بعد یہ پہلا موقع ہے کہ پاکستان ہاکی ٹیم نے ایونٹ کے سیمی فائنل میں جگہ بنائی۔ سیمی فائنل میں پاکستان کا مقابلہ ہالینڈ سے ہوگا جس نے کوارٹر فائنل میں نیوزی لینڈ کو شکست دی۔
