کابل میں ہیڈ آف مشن پر حملہ: دفتر خارجہ کا افغان ناظم الامور کو طلب کرکے احتجاج

پاکستان نے افغانستان کے دارالحکومت کابل میں پاکستانی ہیڈ آف مشن پر حملے پر افغان ناظم الامور کو طلب کرکے احتجاج کیا۔

ترجمان دفترخارجہ کے مطابق افغان ناظم الامور کو دفترخارجہ طلب کرکے حملے پر تشویش اور غم و غصہ کا اظہارکیا گیا۔

ترجمان نے بتایا کہ حملے میں ہیڈ آف مشن محفوظ رہے تاہم سپاہی اسرار زخمی ہوگئے۔

سفارتی ذرائع کا کہن اہے کہ کابل حملےمیں زخمی سپاہی کو پشاور پہنچادیاگیا ہے۔

ترجمان نے بتایا کہ سفارتی مشنز اور عملے کی حفاظت حکومت کی ذمہ داری ہے،ہیڈ آف مشن پر حملہ انتہائی سنگین سکیورٹی کوتاہی ہے۔

 ترجمان دفترخارجہ کے مطابق افغان ناظم الامور سے مطالبہ کیا گیا کہ حملے کے مرتکب افراد کو فوری انصاف کے کٹہرے میں لایا جائے، سفارتخانے کے احاطے کی سکیورٹی خلاف ورزی کی تحقیقات کی جائیں، سفارتی احاطے، عملے کی حفاظت یقینی بنانے کیلئے تمام اقدامات کیے جائیں۔

کابل میں پاکستانی ناظم الامور پرقاتلانہ حملہ، گارڈ زخمی

فائرنگ اس وقت ہوئی جب ناظم الامور چہل قدمی کر رہے تھے، گارڈ کو سینے میں تین گولیاں لگیں: ذرائع

افغان ناظم الامور کا کہنا تھاکہ حملہ انتہائی افسوسناک ہے، یہ حملہ پاکستان اور افغانستان کے مشترکہ دشمنوں نے کیا، حملے کی افغان قیادت نے اعلیٰ سطح پر سخت ترین الفاظ میں مذمت کی۔

افغان ناظم الامور نے بتایا کہ پاکستانی سفارتی مشنز کی سکیورٹی پہلے سے سخت کردی گئی اور حملے کے مرتکب افراد کو انصاف کے کٹہرے میں لانے میں کوئی کسر نہیں چھوڑیں گے۔

خیال رہے کہ آج افغان دارالحکومت کابل میں پاکستانی ناظم الامور پرقاتلانہ حملہ ہوا ہس جس میں سکیورٹی گارڈ زخمی ہوگیا۔

سفارتی ذرائع کا کہناہے کہ کابل حملےمیں زخمی سپاہی کو پشاور پہنچادیاگیا ہے۔