15 دسمبر ، 2022 
پاکستان
ویڈیو: عمران خان کے خطاب کے دوران کالج طلبا کی بڑی تعداد اٹھ کر باہر چلی گئی
15 دسمبر ، 2022
راولپنڈی: چیئرمین تحریک انصاف عمران خان کے خطاب کے دوران بڑی تعداد میں طلبا ہال سے باہر چلے گئے جس کی ویڈیو سوشل میڈیا پر بھی وائرل ہو رہی ہے۔
چیئرمین تحریک انصاف عمران خان نے آج ملک بھر کے طلبا سے ویڈیو لنک کے ذریعے خطاب کیا تھا جس میں انہوں نے طالبعلموں پر محنت کر کے دنیا بھر میں ملک و قوم کا نام روشن کرنے پر زور دیا تھا۔
عمران خان کے خطاب کے دوران راولپنڈی کے سیٹلائٹ ڈگری کالج کی ایک ویڈیو وائرل ہو رہی ہے جس میں دیکھا جا سکتا ہے کہ چیئرمین پی ٹی آئی کے خطاب کے آغاز میں ہال طلبا و طالبات سے بھرا ہوا تھا تاہم عمران خان کے خطاب کے دوران ہی زیادہ تر طالبات ہال سے اٹھ کر چلی گئیں۔
