27 جنوری ، 2023 
پاکستان
سندھ ہائیکورٹ نے بابر غوری کی بیٹی کی درخواست پر 10 روز کے لیے حفاظتی ضمانت منظور کر لی۔ فوٹو فائل
بابر غوری کی حفاظتی ضمانت منظور، وارنٹ گرفتاری بھی معطل
27 جنوری ، 2023
کراچی: سندھ ہائیکورٹ نے سابق وفاقی وزیر بابر غوری کی حفاظتی ضمانت کی درخواست منظور کر لی۔
سندھ ہائیکورٹ میں بابر غوری کی بیٹی کی جانب سے والد کی حفاظتی ضمانت کی درخواست پر سماعت ہوئی۔
وکیل درخواست گزار نے عدالت کو بتایا کہ بابر غوری 30 جنوری کو ملک واپس پہنچیں گے، بابر غوری کو نیب نے بھی طلب کر رکھا ہے۔
عدالت نے 10 دن کے لیے بابر غوری کی حفاظتی ضمانت منظور کرتے ہوئے انسداد دہشتگردی کی عدالت کی جانب سے جاری کردہ ان کے وارنٹ گرفتاری بھی معطل کر دیے۔
دوسری جانب ذرائع کا کہنا ہے کہ بابر غوری 30 جنوری کو دبئی سے پاکستان پہنچیں گے، بابر غوری پاکستان پہنچنے کے بعد ایم کیو ایم کے رہنماؤں سے ملاقات کریں گے۔
