مٹیاری موٹروے کرپشن کیس: نیب نے سابق صوبائی وزیر قانون کا مبینہ فرنٹ مین گرفتار کر لیا

قومی احتساب بیورو(نیب ) نے موٹروے منصوبے میں اربوں روپےکی کرپشن کیس میں حیدرآباد اور نواب شاہ میں کارروائیاں کرتے ہوئے سابق صوبائی وزیر قانون کا مبینہ فرنٹ مین گرفتار کرلیا۔

مٹیاری موٹروے فنڈز میں سوا دو ارب روپے کی کرپشن کا اسکینڈل سامنے آیا تھا،کرپشن کیس میں مجموعی طور پر اب تک 84 کروڑ 12 لاکھ روپے کی ریکوری کی جاچکی ہے۔

حیدرآباد سکھر موٹروےکرپشن کیس: ملزم کی نشاندہی پرگھر سے مزید 30 کروڑ روپے برآمد

نیب نے کراچی میں چھاپہ مار کر 2 نئی گاڑیاں بھی قبضے میں لے لی ہیں

رپورٹس کے مطابق کیس کے سلسلےمیں نیب نے حیدرآباد اور نواب شاہ میں کارروائیاں کرتے ہوئے سابق صوبائی وزیر قانون کا مبینہ فرنٹ مین گرفتار کرلیا۔

واضح رہے کہ نیب نے مٹیاری موٹروے کرپشن کیس کی تحقیقات مکمل طور پر خود کرنے کا فیصلہ کیا تھا۔