توند نکلنے کا باعث بننے والی عام عادات

توند کی چربی جسمانی چربی کی سب سے خطرناک قسم ہوتی ہے کیونکہ یہ بہت اہم اعضا کو ڈھانپ لیتی ہے۔

اس چربی کے نتیجے میں امراض قلب، ذیابیطس اور دیگر سنگین طبی مسائل کا خطرہ بڑھتا ہے۔

عقل داڑھ بہت زیادہ تاخیر سے کیوں نکلتی ہے؟

سوال یہ ہے کہ عقل داڑھ بچپن کی بجائے اتنی تاخیر سے کیوں نکلتی ہے؟

پیٹ اور کمر کے گرد جمع ہونے والی چربی کو طبی زبان میں ورسیکل فیٹ کہا جاتا ہے۔

توند نکلنے کے لیے ضروری نہیں کہ جسمانی وزن بہت زیادہ ہو، دبلے پتلے افراد کا پیٹ بھی باہر نکل سکتا ہے۔

مگر کیا آپ کو معلوم ہے کہ چند عام عادات کے نتیجے میں توند نکلنے کا امکان بڑھ جاتا ہے۔

یہ ایسی عادات ہوتی ہیں جن کو اکثر افراد نقصان دہ بھی تصور نہیں کرتے۔

ٹی وی یا اسمارٹ فون دیکھتے ہوئے کھانا

جی ہاں اسمارٹ فونز پر اسکرولنگ یا ٹی وی دیکھتے ہوئے کھانا کھانے سے توجہ بھٹک جاتی ہے جس کے نتیجے میں لوگ ضرورت سے زیادہ مقدار میں کیلوریز جسم کا حصہ بنا لیتے ہیں۔

وہ عام ٹیسٹ جس سے آپ چند سیکنڈ میں صحت مند ہونے کے بارے میں جان سکتے ہیں

10 سیکنڈ یا اس سے زیادہ وقت تک بغیر کسی سہارے کے ایک ٹانگ پر کھڑے رہنے سے اچھی صحت کا عندیہ ملتا ہے۔

کھانا کھاتے ہوئے اپنی توجہ غذا پر مرکوز رکھیں اور خوراک کو اچھی طرح چبا کر نگلنا عادت بنائیں۔

بہت تیزی سے کھانا

بہت زیادہ تیزی سے کھانے والے افراد میں موٹاپے کا امکان دیگر کے مقابلے میں 115 فیصد زیادہ ہوتا ہے۔

کھانے کے بعد ہمارا معدہ بھوک کو کنٹرول کرنے والے ایک ہارمون ghrelin کو دباتا ہےجبکہ پیٹ بھرنے کا احساس دلانے والے ہارمونز کو خارج کرتا ہے۔

یہ ہارمونز دماغ کو بتاتے ہیں کہ آپ کا پیٹ بھر چکا ہے جس کے بعد مزید کھانے کی خواہش نہیں ہوتی۔

ایک فرد روزانہ کتنے کیلے کھا سکتا ہے؟

اس سوال کا جواب سادہ نہیں کیونکہ متعدد چیزوں کو مدنظر رکھنا ضروری ہے۔

اس عمل کو مکمل ہونے میں 20 منٹ لگتے ہیں تو بہت زیادہ تیزی سے کھانے سے دماغ کو یہ سگنل تاخیر سے ملتا ہے کہ پیٹ بھر چکا ہے، اب ہاتھ روک لینا چاہیے۔

نیند کی کمی

نیند کی کمی صرف سستی یا تھکاوٹ کا باعث ہی نہیں بنتی بلکہ توند کی چربی بڑھانے کا باعث بھی بن سکتی ہے۔

ایک تحقیق میں دریافت کیا گیا کہ نیند کی کمی کے شکار افراد میں توند کی چربی کا ذخیرہ زیادہ ہوتا ہے۔

رات گئے کھانا

رات گئے کھانا کھانے سے بھوک اور کھانے کی خواہش میں کردار ادا کرنے والے ہارمونز پر منفی اثرات مرتب ہوتے ہیں اور لوگوں میں زیادہ کھانے کی خواہش پیدا ہوتی ہے۔

کچھ افراد کے ہاتھوں کی رگیں بہت زیادہ ابھری ہوئی کیوں ہوتی ہیں؟

یہ کوئی طبی مسئلہ نہیں مگر کچھ افراد کو لگتا ہے کہ اس سے ان کے ہاتھ بدصورت ہوگئے ہیں یا بڑھاپا ظاہر ہورہا ہے۔

ایک تحقیق میں معلوم ہوا کہ تاخیر سے کھانا کھانے والے افراد کا جسم کیلوریز کو سست روی سے جلاتا ہے اور جسم میں چربی زیادہ جمع ہونے لگتی ہے۔

اس عادت کے نتیجے میں نظام ہاضمہ کو غذا ہضم کرنے کے لیے بھی زیادہ محنت کرنا پڑتی ہے جس کا نتیجہ بھی چربی کے ذخیرے کی شکل میں نکلتا ہے۔

سافٹ ڈرنکس کو پسند کرنا

میٹھے مشروبات اور موٹاپے کے درمیان تعلق موجود ہے اور اس کی وجہ بھی واضح ہے۔

ایک سافٹ ڈرنک میں کافی مقدار میں چینی ہوتی ہے جبکہ اس مشروب میں ایسی کیلوریز ہوتی ہیں جو جسم کے لیے کسی کام کی نہیں ہوتیں۔

کیا دیسی گھی صحت کے لیے فائدہ مند ہوتا ہے یا نہیں؟

حالیہ برسوں میں دیسی گھی پر طبی ماہرین کی توجہ بڑھی ہے تاکہ معلوم ہوسکے کہ کیا یہ واقعی صحت کے لیے مفید ہے یا نہیں۔

یہی وجہ ہے کہ سافٹ ڈرنکس کو پینے سے توند نکلنے کا امکان بڑھ جاتا ہے۔

ایک وقت کا کھانا چھوڑ دینا

کیا آپ کو معلوم ہے کہ جسمانی وزن میں کمی کے لیے ناشتہ نہ کرنے سے موٹاپے کا امکان ساڑھے 4 گنا زیادہ بڑھ جاتا ہے؟

دن میں کسی ایک وقت کی غذا سے دوری کے نتیجے میں میٹابولزم کی رفتار سست ہو جاتی ہے جس کے نتیجے میں دن میں کسی وقت بھوک لگنے پر آپ ضرورت سے زیادہ کھانا کھا سکتے ہیں، جس سے توند نکلنے کا خطرہ بھی بڑھتا ہے۔

تلی ہوئی غذاؤں کو ترجیح دینا

اگر آپ تلی ہوئی غذاؤں سے خود کو دور نہیں رکھ سکتے تو توند نکلنے پر حیران ہونے کی ضرورت نہیں۔

تلی ہوئی غذاؤں میں نقصان دہ چکنائی ٹرانس فیٹ کی مقدار بہت زیادہ ہوتی ہے جس سے پیٹ اور کمر کے اردگرد چربی بڑھنے لگتی ہے۔

تمباکو نوشی

تمباکو نوشی کو صحت کے لیے نقصان دہ قرار دیا جاتا ہے اور اس کا ایک نقصان توند نکلنا بھی ہے۔

آپ جتنی زیادہ تمباکو نوشی کریں، اتنی زیادہ چربی پیٹ اور کمر کے اردگرد جمع ہوگی۔

بڑی پلیٹ میں کھانا

بڑی پلیٹ میں کھانا کھانے کے نتیجے میں آپ ضرورت سے زیادہ مقدار میں غذا جسم کا حصہ بنا سکتے ہیں جس کے نتیجے میں وقت کے ساتھ ساتھ پیٹ اور کمر کے اردگرد چربی بڑھنے لگتی ہے۔

زیادہ وقت بیٹھ کر گزارنا

جسمانی سرگرمیوں کو اچھی صحت کی کنجی قرار دیا جاتا ہے جبکہ زیادہ وقت بیٹھ کر گزارنے سے جسمانی وزن میں اضافے سمیت متعدد طبی مسائل کا خطرہ بڑھتا ہے۔

ہڈیوں کو مضبوط بنانے میں مددگار بہترین پھل

وزمرہ کی غذا میں چند پھلوں کو شامل کرکے عمر بڑھنے کے ساتھ ہڈیوں کو مضبوط رکھنے میں مدد مل سکتی ہے۔

اس کے مقابلے میں روزانہ 30 منٹ تک معتدل جسمانی سرگرمیوں جیسے چہل قدمی سے توند میں کمی آسکتی ہے جبکہ مسلز کا حجم بڑھ جاتا ہے۔

تناؤ کے شکار رہنا

تناؤ کے نتیجے میں جسم میں ایک ہارمون کورٹیسول کا اخراج ہوتا ہے۔

اس ہارمون کی سطح زیادہ بڑھنے سے جسمانی وزن میں اضافہ ہوتا ہے، خاص طورپر پیٹ اور کمر کے اردگرد چربی زیادہ جمع ہونے لگتی ہے۔

کیا قبل از وقت سفید ہونے والے بالوں کی رنگت واپس بحال کرنا ممکن ہے؟

سوال یہ ہے کہ کیا اگر بال قبل از وقت سفید ہو جائیں تو ان کی قدرتی رنگت واپس لانا ممکن ہے؟

تناؤ سے بچنے کے لیے گہری سانسیں لینے یا مراقبے جیسے طریقوں پر عمل کرسکتے ہیں۔

میٹھے کو دیکھ کر ہاتھ نہ روک پانا

اگر دن میں ایک بار میٹھا کھانے کے عادی ہوتے ہیں تو توند نکلنا حیران کن نہیں۔

چینی کے زیادہ استعمال سے پیٹ اور کمر کے اردگرد چربی کا ذخیرہ زیادہ تیزی سے ہوتا ہے، خاص طور پر رات کے وقت کچھ میٹھا کھانا زیادہ تباہ کن ثابت ہوتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔