ٖکھانے کے بعد پیٹ پھولنے کے مسئلے سے بچانے میں مددگار آسان طریقے

ہم سب کے ساتھ ایسا ہوتا ہے یعنی ایسا محسوس ہوتا ہے جیسے پیٹ بہت زیادہ بھرنے سے پھول گیا ہے۔

کھانے کے بعد پیٹ کا پھول جانا عموماً کسی تشویش کا باعث نہیں ہوتا مگر یہ تجربہ اکثر افراد کے لیے پریشان کن ہوتا ہے۔

کچھ افراد کے ہاتھ پیر اکثر سن کیوں ہو جاتے ہیں؟

اگر اکثر ہاتھ اور پیر سن ہوجاتے ہیں، سوئیاں چبھنے یا سنسناہٹ کا احساس ہوتا ہے، تو ایسا کسی بیماری کا نتیجہ بھی ہوسکتا ہے۔

پیٹ پھولنے کا مسئلہ اس وقت ہوتا ہے جب معدے یا آنتوں میں گیس کی مقدار بڑھ جاتی ہے اور عموماً متاثرہ فرد کچھ دیر میں خود ہی ٹھیک ہو جاتا ہے۔

مگر اچھی بات یہ ہے کہ چند آسان عادات کو اپنا کر بھی پیٹ پھولنے کے مسئلے کو ہمیشہ خود سے دور رکھنا ممکن ہے۔

بہت زیادہ فائبر کھانے سے گریز کریں

فائبر کاربوہائیڈریٹ کی ایک ایسی قسم ہے جو نباتاتی غذاؤں میں پائی جاتی ہے اور ہمارا جسم اس غذائی جز کو ہضم نہیں کر پاتا۔

فائبر ہمارے جسمانی افعال جیسے بلڈ شوگر کو ریگولیٹ کرنے اور دیگر کے لیے بہت اہم ہوتا ہے۔

جسم پر ظاہر ہونے والی وہ علامات جو ڈپریشن کا نتیجہ ہوتی ہیں

بہت کم افراد کو علم ہوتا ہے کہ ڈپریشن کے شکار مریضوں کو جسمانی علامات کا سامنا بھی ہوتا ہے۔

مگر فائبر سے بھرپور غذاؤں کو کھانے کے بعد معدے میں گیس کی مقدار بڑھ جاتی ہے۔

پھلیوں، دالوں، سیب اور مالٹے جیسے پھلوں، اناج، جو، گوبھی اور ایسی ہی دیگر سبزیوں میں فائبر کی مقدار زیادہ ہوتی ہے۔

کسی مخصوص غذا سے الرجی

پیٹ پھولنا اکثر کسی غذا سے الرجی کی علامت بھی ہوتا ہے۔

اس الرجی کے نتیجے میں جسم کے اندر گیس بہت زیادہ بننے لگتی ہے جو معدے اور آنتوں کی نالی میں پھنس جاتی ہے۔

اکثر افراد کو دوپہر میں غنودگی یا سستی کا سامنا کیوں ہوتا ہے؟

ایسا عموماً دوپہر کے کھانے کے بعد ہوتا ہے اور اس کے نتیجے میں جسمانی توانائی میں کمی کے ساتھ ساتھ توجہ مرکوز کرنا بھی مشکل ہوجاتا ہے۔

ایسا اکثر دودھ یا گندم پر مبنی غذاؤں کے کھانے سے ہوتا ہے، ایسا کوئی قابل اعتبار طبی ٹیسٹ تو نہیں جس سے غذائی الرجی کی تشخیص ہوسکے بلکہ کوئی فرد خود یہ اندازہ لگا سکتا ہے کہ کن غذاؤں کو کھانے سے پیٹ پھولنے کا مسئلہ ہر بار ہوتا ہے۔

زیادہ چکنائی والی غذائیں بھی نقصان دہ

چکنائی کسی بھی غذا کا اہم حصہ ہے اور جسمانی توانائی کا ایک اہم ذریعہ بھی۔

ہمارا جسم چکنائی یا چربی کو سست روی سے ہضم کرتا ہے اور اسی کے باعث کچھ افراد کو زیادہ چکنائی والی غذائیں کھانے سے پیٹ پھولنے کے مسئلے کا سامنا ہوتا ہے۔

آرام سے کھانا پینا عادت بنائیں

مشروبات یا کھانے کو بہت تیزی سے جسم کا حصہ بنانے کے نتیجے میں لوگ بہت زیادہ مقدار میں ہوا بھی نگل لیتے ہیں جس کے نتیجے میں گیس کی مقدار بڑھ جاتی ہے اور پیٹ پھول جاتا ہے۔

توند نکلنے کا باعث بننے والی عام عادات

توند نکلنے کے لیے ضروری نہیں کہ جسمانی وزن بہت زیادہ ہو، دبلے پتلے افراد کا پیٹ بھی باہر نکل سکتا ہے۔

اس کے مقابلے میں آرام سے کھانا کھانے یا مشروبات یا پانی پینے سے اس مسئلے سے بچنا آسان ہو جاتا ہے۔

کاربونیٹڈ مشروبات سے بھی گریز کریں

کاربونیٹڈ مشروبات جیسے سافٹ ڈرنکس، انرجی ڈرنکس اور دیگر میں کاربن ڈائی آکسائیڈ موجود ہوتی ہے جو معدے میں اکٹھی ہو جاتی ہے جس سے پیٹ پھول جاتا ہے۔

ان مشروبات کا بہترین متبادل پانی ہے جس سے پیٹ پھولنے کا خطرہ کم ہوتا ہے۔

ادرک سے مدد لیں

ادرک نظام ہاضمہ کے لیے بہترین ہے جس کے استعمال سے معدے میں اضافی گیس کی مقدار کم ہوتی ہے اور پیٹ پھولنے کے مسئلے سے بچنا آسان ہو جاتا ہے۔

چیونگم کھانے سے بچیں

چیونگم چبانے کے دوران لوگ بہت زیادہ مقدار میں ہوا کو نگل لیتے ہیں اور یہ ہوا کچھ افراد میں پیٹ پھولنے کا باعث بنتی ہے۔

کھانے کے بعد ہلکی پھلکی جسمانی سرگرمیاں

کھانے کے بعد ہلکی پھلکی جسمانی سرگرمیاں جیسے چہل قدمی کرنے سے پیٹ پھولنے کے مسئلے سے بچنے میں مدد ملتی ہے۔

عقل داڑھ بہت زیادہ تاخیر سے کیوں نکلتی ہے؟

سوال یہ ہے کہ عقل داڑھ بچپن کی بجائے اتنی تاخیر سے کیوں نکلتی ہے؟

ایک تحقیق میں بتایا گیا کہ اس طرح کی ہلکی پھلکی جسمانی سرگرمیوں سے معدے میں موجود گیس کی مقدار کم ہوتی ہے جس سے پیٹ پھولنے کے مسئلے سے ریلیف ملتا ہے۔

کھانے کے دوران بات نہ کریں

کھانے کے دوران بات کرنے سے ہوا نگلنے کی مقدار بڑھ جاتی ہے۔

یہ ہوا معدے میں اکھٹی ہو جاتی ہے جس سے پیٹ پھول جاتا ہے، تو خاموشی سے کھانا عادت بنانا بہتر ہے۔

سینے کی جلن کا علاج کریں

معدے میں تیزابیت بڑھنے سے سینے میں جلن کی شکایت ہوتی ہے اور یہ مسئلہ پیٹ پھولنے کی بھی ایک عام وجہ ہے۔

وہ عام ٹیسٹ جس سے آپ چند سیکنڈ میں صحت مند ہونے کے بارے میں جان سکتے ہیں

10 سیکنڈ یا اس سے زیادہ وقت تک بغیر کسی سہارے کے ایک ٹانگ پر کھڑے رہنے سے اچھی صحت کا عندیہ ملتا ہے۔

سینے کی جلن کا علاج کرنے سے پیٹ پھولنے کے مسئلے سے بچنے میں بھی مدد ملتی ہے۔

زیادہ نمک کھانے سے گریز کریں

ہمارے جسم کو نمک کی ضرورت ہوتی ہے مگر بیشتر افراد ضرورت سے زیادہ مقدار کو جسم کا حصہ بنالیتے ہیں۔

اس کے نتیجے میں نمک جسم کے اندر پانی جمع کرنے لگتا ہے جو وقت کے ساتھ مختلف بیماریوں جیسے ہائی بلڈ پریشر کا باعث بن جاتا ہے مگر مختصر المدت بنیادوں پر پیٹ پھولنے کی شکایت کا سامنا ہوتا ہے۔