12 فروری ، 2023 
پی ایس ایل 8 کا ترانہ آتے ہی مداحوں کو 'نصیبو لال' کی یاد آگئی
12 فروری ، 2023
پاکستان سپر لیگ 8 کا آفیشل ترانہ 'سب ستارے ہمارے' 11 فروری کی شب ریلیز کیا گیا جسے گلوکار عاصم اظہر، شےگل اور فارس شفیع نے گایا ہے۔
پی ایس ایل کے اس ترانے کو بھی گزشتہ 4 سالوں کی طرح سوشل میڈیا پر ملے جلے ردعمل کا سامنا کرنا پڑا۔
اس سال بھی پی ایس ایل کا گانا آتے ہی مداحوں کو علی ظفر کی یاد ستانے لگی، لیکن اس بار ناصرف علی ظفر بلکہ سوشل میڈیا صارفین نے گلوکارہ نصیبو لال کو بھی یاد کیا۔
نصیبو لال نے ینگ اسٹنرز سمیت آئمہ بیگ کے ہمراہ پی ایس ایل سیزن 6 کا گانا 'گروو میرا'گایا تھا، جس کے آتے ہی لوگوں نے اسے سخت تنقید کا نشانہ بنایا تھا۔
تاہم اب حیران کن بات یہ ہے کہ کئی لوگ جنہوں نے'گروو میرا' پر تنقید کی تھی، وہ اب اس کی تعریف کر رہے ہیں۔
سوشل میڈیا صارفین کا پی ایس ایل کے ترانے پر ردعمل
ایک صارف نے لکھا کہ 'گروو میرا' حال ہی میں ریلیز ہونے والے ترانے سے بہتر تھا۔
دوسری جانب کئی صارفین نے گلوکار علی ظفر کے پی ایس ایل کے شروع کے تین سیزن کے گانوں کو بہترین قرار دیا۔
آئیے کچھ تبصرے ملاحظہ کرتے ہیں:
مزید خبریں :
سابق ڈبلیو ڈبلیو ای اسٹار 60 برس کی عمر میں چل بسے
13 مئی ، 2025
پی سی بی کا معطل شدہ ڈومیسٹک کرکٹ بحال کرنے کا فیصلہ
12 مئی ، 2025
