13 فروری ، 2023 
کے الیکٹرک نےکرنٹ سے معذور ہونیوالے بچےکے والدکے ساتھ ایم او یو سائن کرلیا
13 فروری ، 2023
کے الیکٹرک نےکرنٹ سے معذور ہونے والے بچےکے والد کے ساتھ ایم او یو سائن کرلیا۔
کے الیکٹرک کی طرف سے ایم او یو سینیٹ کی انسانی حقوق کمیٹی میں پیش کیا گیا، چیئرمین کمیٹی نے معاہدے پر سینیٹرقراۃ العین مری اور سینیٹر کیشوبائی کو خراج تحسین پیش کیا۔
سینیٹ کی انسانی حقوق کمیٹی نے اتفاق رائے سے معاہدے کی منظوری دے دی۔
رپورٹ کے مطابق 21 اگست 2018 میں کراچی کے علاقے احسن آباد میں بجلی کے تار گرنے سے 8 سالہ محمد عمر کے دونوں بازو ضائع ہوگئے تھے۔
سندھ ہائی کورٹ میں غفلت ثابت ہونے پر کے الیکٹرک نے محمد عمر کے مصنوعی بازوؤں کا خرچہ اٹھانے کی یقین دہانی کرائی تھی مگر یہ وعدہ وفا ہونے کے انتظار میں محمد عمر کی زندگی کے 5 سال بازوؤں کے بغیر ہی گزرگئے۔
معاملہ سینیٹ کی انسانی حقوق کمیٹی میں آنے کے بعدکے الیکٹرک نے بچے کے والد کے ساتھ رقم کی فراہمی کا معاہدہ کیا ہے۔
معاہدے کے مطابق بچےکے والدکو ڈھائی کروڑ روپے مصنوعی ہاتھ لگانے کے لیے جاری کیے جائیں گے، یہ فنڈ سندھ حکومت اور کے الیکٹرک کی جانب سے مشترکہ طور پر دیا جائےگا۔
مزید خبریں :
کراچی کی ملیر جیل سے 200 سے زائد قیدی فرار
5 گھنٹے پہلے
بہاولپور میں بھوک کی وجہ سے بزرگ خاتون دم توڑگئیں
11 گھنٹے پہلے
