19 فروری ، 2023 
پاکستان
جانچ پڑتال کے بعد پی آئی اے کا بورڈ شارٹ لسٹ کیے گئے امیدواروں کے انٹرویو کرے گا، ذرائع__فوٹو: فائل
پی آئی اے کو نئے سی ای او کیلئے 65 درخواستیں موصول
19 فروری ، 2023
پاکستان انٹرنیشنل ائیرلائنز (پی آئی اے) کے نئے چیف ایگزیکٹو آفیسر (سی ای او) کے لیے 65 درخواستیں پی آئی اے شعبہ ایچ آر کو موصول ہو گئی ہیں۔
ذرائع کے مطابق پی آئی اے بورڈ کی ایچ آر کمیٹی 20 فروری کو درخواستوں کی جانچ پڑتال کرےگی۔
جانچ پڑتال کے بعد پی آئی اے کا بورڈ شارٹ لسٹ کیے گئے امیدواروں کے انٹرویو کرے گا۔
خیال رہے کہ پی آئی اے کے سی ای او کا عہدہ اپریل 2022 سے خالی ہے۔
واضح رہے کہ ائیر وائس مارشل عامر حیات پی آئی اے کے قائم مقام سی ای او کے طور پر ذمے داری نبھا رہے ہیں۔
ائیر مارشل ارشد ملک 3 سال کا کنٹریکٹ ختم ہونے پر سی ای او کے عہدے سے سبکدوش ہو گئے تھے۔
