عمر بڑھنے کے ساتھ ذہنی اور جسمانی طور پر صحت مند رہنے کا بہترین طریقہ

عمر بڑھنے کے ساتھ جسمانی اور ذہنی طور پر صحت مند رہنا چاہتے ہیں؟ تو اس کا طریقہ بہت آسان ہے۔

بس شریک حیات، گھر والوں، دوستوں اور دفتری ساتھیوں کے ساتھ اچھے تعلقات کو یقینی بنائیں اور ہر ماہ کم از کم ایک بار ورزش کریں۔

نہار منہ اس مشروب کو پینے کے فائدے جان لیں

اگر آپ نہار منہ پانی میں لیموں کو ملا کر پیتے ہیں تو اس سے صحت پر حیران کن اثرات مرتب ہو سکتے ہیں۔

یہ بات 2 نئی طبی تحقیقی رپورٹس میں سامنے آئی۔

برٹش میڈیکل جرنل میں شائع تحقیقی رپورٹس میں بتایا گیا کہ درمیانی عمر میں ہمارے کونسے رویے بڑھاپے میں اچھی صحت کے لیے اہم ہوتے ہیں۔

پہلی تحقیق میں دریافت کیا گیا کہ شریک حیات سمیت دیگر افراد سے اچھے تعلقات سے بڑھاپے میں متعدد امراض سے متاثر ہونے کا خطرہ کم ہوتا ہے۔

جسمانی توانائی میں اضافے اور ہڈیوں کو مضبوط بنانے کیلئے بہترین پھل

ہر موسم میں ہر جگہ آسانی سے ملنے والا ایک پھل اس حوالے سے مددگار ثابت ہو سکتا ہے۔

آسٹریلیا کی کوئنز لینڈ یونیورسٹی کی تحقیق میں بتایا گیا کہ درمیانی عمر میں لوگوں سے خراب تعلقات کے نتیجے میں بڑھاپے میں متعدد امراض کا خطرہ بڑھ جاتا ہے۔

اس تحقیق کا آغاز 1996 میں ہوا تھا اور اس میں آسٹریلیا سے تعلق رکھنے والی 45 سے 50 سال کی عمر کی خواتین کو شامل کیا گیا۔

اس کے بعد ان خواتین سے ہر 3 سال بعد معلوم کیا گیا کہ شریک حیات، خاندان کے افراد، دوستوں اور دفتری ساتھیوں سے ان کا تعلق کس حد تک مضبوط ہے۔

زیادہ چائے پینے کے نقصانات جان لیں

چائے کو اعتدال میں رہ کر پینا ضروری ہوتا ہے اور زیادہ مقدار میں اسے پینے سے صحت کو منفی اثرات کا سامنا بھی ہو سکتا ہے۔

ان خواتین کی صحت کا جائزہ 20 سال تک لیا گیا تاکہ مختلف امراض جیسے ذیابیطس، ہائی بلڈ پریشر، امراض قلب، فالج، ڈپریشن، انزائٹی یا دیگر کی شرح معلوم ہو سکے۔

نتائج سے معلوم ہوا کہ سماجی تعلقات پر عدم اطمینان ظاہر کرنے والی خواتین میں متعدد امراض کا خطرہ بڑھ جاتا ہے۔

دوسری تحقیق میں 1417 افراد کے ڈیٹا کا تجزیہ کرکے یہ دیکھا گیا تھا کہ 4 دہائیوں کے دوران انہوں نے کتنی ورزش کی۔

آنکھوں کو مسلنے کی عادت کے اثرات جانتے ہیں؟

کیا آپ کو معلوم ہے کہ یہ عادت بینائی کے لیے تباہ کن ثابت ہو سکتی ہے؟

یونیورسٹی کالج لندن کی اس تحقیق کے دوران لوگوں سے 36، 43، 53، 60 اور 69 سال کی عمر میں 5 بار سرویز کیے گئے۔

نتائج سے معلوم ہوا کہ کسی بھی عمر میں ورزش کرنے یا جسمانی سرگرمیوں سے بڑھاپے میں دماغی افعال کی تنزلی کا خطرہ کم ہوتا ہے۔

تحقیق کے مطابق 60 سال کی عمر کے بعد بھی ورزش کرنے سے دماغی افعال میں بہتری آتی ہے۔

دماغ کو صحت مند اور جوان رکھنے میں مددگار غذائی عادات

ایسی غذائی عادات کے بارے میں جانیں جو ہمارے دماغ کو جوان رکھنے میں مدد فراہم کرتی ہیں۔

محققین نے بتایا کہ مہینے میں صرف ایک بار ورزش کرنے سے بھی دماغی صحت بہتر ہو جاتی ہے۔

انہوں نے کہا کہ پوری زندگی جسمانی طور پر متحرک رہنے والے افراد کی ذہنی صحت بھی دیگر سے نمایاں حد تک بہتر ہوتی ہے۔