زیادہ چائے پینے کے نقصانات جان لیں

پاکستان سمیت دنیا بھر میں کروڑوں افراد چائے پینا پسند کرتے ہیں۔

اس گرم مشروب کی مختلف اقسام دستیاب ہیں اور یہ سب ہی ایک پودے Camellia sinensis کے پتوں سے تیار ہوتی ہیں۔

آنکھوں کو مسلنے کی عادت کے اثرات جانتے ہیں؟

کیا آپ کو معلوم ہے کہ یہ عادت بینائی کے لیے تباہ کن ثابت ہو سکتی ہے؟

چائے کو صحت کے لیے مفید مانا جاتا ہے اور طبی سائنس نے بھی کچھ طبی فوائد کی تصدیق کی ہے۔

مثال کے طور پر چائے پینے سے موٹاپے، ذیابیطس اور امراض قلب سے متاثر ہونے کا خطرہ کم ہو سکتا ہے۔

مگر چائے کو اعتدال میں رہ کر پینا ضروری ہوتا ہے اور زیادہ مقدار میں اسے پینے سے صحت کو منفی اثرات کا سامنا بھی ہو سکتا ہے۔

دماغ کو صحت مند اور جوان رکھنے میں مددگار غذائی عادات

ایسی غذائی عادات کے بارے میں جانیں جو ہمارے دماغ کو جوان رکھنے میں مدد فراہم کرتی ہیں۔

اگر آپ بھی زیادہ چائے پینے کے عادی ہیں تو اس مشروب کے زیادہ استعمال کے ممکنہ نقصانات جان لیں۔

آئرن جذب ہونے کا عمل متاثر ہو سکتا ہے

چائے میں Tannins نامی مرکبات کی مقدار کافی زیادہ ہوتی ہے۔

یہ مرکبات مخصوص غذاؤں میں موجود آئرن کے ساتھ جڑ کر اس غذائی جز کو نظام ہاضمہ میں جذب نہیں ہونے دیتے۔

جسم میں آئرن کی کمی بہت عام طبی مسئلہ ہے اور اگر آپ بھی اس کے شکار ہیں تو زیادہ مقدار میں چائے پینے سے اس کی شدت بڑھ سکتی ہے۔

کچھ افراد نیند کے دوران باتیں کیوں کرتے ہیں؟

اگرچہ نیند میں باتیں کرنے کی عادت بچوں میں زیادہ عام ہوتی ہے مگر ہر عمر کے افراد کے ساتھ ایسا ہوسکتا ہے۔

ماہرین کے مطابق 3 سے 4 کپ روزانہ چائے پینا بیشتر افراد کے لیے محفوظ ہوتا ہے۔

انزائٹی، تناؤ اور بے چینی میں اضافہ

چائے میں کیفین نامی جز موجود ہوتا ہے اور اس کی زیادہ مقدار انزائٹی، بے چینی اور تناؤ کا باعث بن سکتی ہے۔

سیاہ چائے میں کیفین کی مقدار زیادہ ہوتی ہے اور چائے کو زیادہ ابالنے سے کیفین کی مقدار بھی بڑھ جاتی ہے۔

نیند کے مسائل

چائے میں موجود کیفین کے باعث اس مشروب کا زیادہ استعمال نیند کو متاثر کر سکتا ہے۔

اخروٹ کھانے کے یہ فائدے آپ کو ضرور پسند آئیں گے

اخروٹ میں متعدد اقسام کے فیٹی ایسڈز، فولیٹ، وٹامن ای اور دیگر غذائی اجزا موجود ہوتے ہیں۔

میلاٹونین وہ ہارمون ہے جو دماغ کو نیند کا سگنل دیتا ہے اور کیفین سے اس ہارمون بننے کا عمل متاثر ہوتا ہے، جس کا نتیجہ نیند کے متاثر ہونے کی شکل میں نکلتا ہے۔

نیند کی کمی متعدد دماغی مسائل بشمول ذہنی تھکاوٹ، یادداشت کی کمزوری اور دیگر سے منسلک کی جاتی ہے جبکہ موٹاپے اور ذیابیطس کا خطرہ بھی بڑھتا ہے۔

متلی

چائے میں موجود مخصوص مرکبات متلی کا احساس دلا سکتے ہیں، خاص طور پر اس وقت اگر آپ اس مشروب کی زیادہ مقدار کااستعمال کریں یا خالی پیٹ اس گرم مشروب کا استعمال کریں۔

ڈپریشن کو ہمیشہ آپ سے دور رکھنے والے آسان طریقے

ڈپریشن کے شکار افراد کو دماغی اور جسمانی دونوں طرح کے مسائل کا سامنا ہوتا ہے۔

اگر چائے پینے کے بعد متلی یا پیٹ درد کی شکایت ہوتی ہے تو اس کی مقدار میں کمی لانا بہتر ہے۔

سینے میں جلن

چائے میں موجود کیفین سے سینے میں جلن کی شکایت ہوسکتی ہے۔

تحقیقی رپورٹس کے مطابق کیفین سے غذائی نالی کو معدے سے منسلک کرنے والا حصہ پرسکون ہوتا ہے جس سے معدے میں موجود تیزابی سیال اوپر جانے لگتا ہے۔

کیفین سے معدے میں تیزابی سیال بننے کا عمل بھی تیز ہو سکتا ہے۔

آپ کے ہاتھوں کی گرفت صحت کے بارے میں کیا راز ظاہر کرتی ہے؟

اگر آپ کے ہاتھوں کی گرفت کمزور ہوچکی ہے تو یہ جسم کے اندر چھپے کسی سنگین طبی مسئلے کی نشانی ہوسکتی ہے۔

زیادہ مقدار میں چائے پینے والے افراد کو اگر سینے کی جلن کا سامنا ہوتا ہے تو انہیں اس گرم مشروب کا استعمال کم کر دینا چاہیے۔

سر درد

اگر آپ زیادہ مقدار میں چائے پینے کے عادی ہیں تو اس کا مطلب ہے کہ جسم کیفین کا عادی ہو چکا ہے۔

اس صورت میں اگر چائے نہ ملے تو سر درد کا سامنا ہو سکتا ہے۔

پیشاب کی رنگت سے آپ کی صحت کے بارے میں کیا معلوم ہوتا ہے؟

کئی بار پیشاب کی رنگت سے کسی بیماری یا طبی مسئلے کے بارے میں جاننا ممکن ہوجاتا ہے۔

اسی طرح ایک تحقیق میں بتایا گیا کہ روزانہ 100 ملی گرام کیفین کا استعمال سر درد کا باعث بن سکتا ہے۔

سر چکرانا

ویسے اس مسئلے کا سامنا بہت کم افراد کو ہوتا ہے مگر بہت زیادہ چائے پینے سے ایسا ہو سکتا ہے۔

اس کی وجہ بھی چائے میں موجود کیفین ہے۔