وہ عام مسئلہ جو بالوں سے محروم کرنے کا باعث بنتا ہے

عمر بڑھنے کے ساتھ بالوں میں کمی قدرتی عمل ہے اور مردوں میں گنج پن کا امکان خواتین کے مقابلے میں زیادہ ہوتا ہے۔

مگر طرز زندگی کے کچھ عناصر یا طبی مسائل کے نتیجے میں قبل از وقت بالوں سے محرومی کا سامنا ہو سکتا ہے۔

کیا قبل از وقت سفید ہونے والے بالوں کی رنگت واپس بحال کرنا ممکن ہے؟

سوال یہ ہے کہ کیا اگر بال قبل از وقت سفید ہو جائیں تو ان کی قدرتی رنگت واپس لانا ممکن ہے؟

امریکا کے مایو کلینک کے مطابق جن افراد کو تناؤ کا بہت زیادہ سامنا ہوتا ہے ان کے بال بہت تیزی سے گرنے لگتے ہیں اور دوبارہ اگنے کی رفتار سست ہو جاتی ہے۔

درحقیقت مردوں اور خواتین دونوں تناؤ کے نتیجے میں تیزی سے بالوں سے محروم ہونے لگتے ہیں۔

اکثر تناؤ کے باعث بالوں کی محرومی عارضی ہوتی ہے مگر کئی بار یہ اثر مستقل ہوتا ہے اور گنج پن کا آثار نمایاں ہو جاتے ہیں۔

تناؤ سے بالوں کی محرومی کا سامنا کیوں ہوتا ہے؟

ذہنی، جذباتی یا ذہنی دباؤ کا باعث بننے والی ہر قسم کی تبدیلی کو تناؤ قرار دیا جاتا ہے اور ہر فرد کو روزمرہ کے امور میں اس کا سامنا ہوتا ہے۔

نہار منہ اس مشروب کو پینے کے فائدے جان لیں

اگر آپ نہار منہ پانی میں لیموں کو ملا کر پیتے ہیں تو اس سے صحت پر حیران کن اثرات مرتب ہو سکتے ہیں۔

مگر طویل المعیاد بنیادوں یا شدید تناؤ سے جسم اور دماغ پر سنگین منفی اثرات مرتب ہوتے ہیں۔

دائمی تناؤ کو بالوں سے محرومی یا گنج پن سے منسلک کیا جاتا ہے مگر اب جاکر اس کے پیچھے چھپی وجہ سامنے آئی ہے۔

2021 میں چوہوں پر ہونےو الی ایک تحقیق میں اس میکنزم کو دریافت کیا گیا تھا۔

تحقیق میں دریافت کیا گیا کہ جب جسم میں تناؤ کا باعث بننے والے ہارمون کورٹیسول کی سطح بڑھ جاتی ہے تو بالوں کی جڑوں کے افعال تھم جاتے ہیں یا غیر متحرک ہو جاتے ہیں۔

جسمانی توانائی میں اضافے اور ہڈیوں کو مضبوط بنانے کیلئے بہترین پھل

ہر موسم میں ہر جگہ آسانی سے ملنے والا ایک پھل اس حوالے سے مددگار ثابت ہو سکتا ہے۔

جب یہ افعال غیر متحرک ہوتے ہیں تو بالوں کی نشوونما نہیں ہوتی مگر بال ٹوٹتے رہتے ہیں۔

محققین نے بتایا کہ نتائج سے تناؤ اور بالوں سے محرومی کے درمیان تعلق واضح ہوتا ہے۔

طویل المعیاد تناؤ کے نتیجے میں مدافعتی نظام ضرورت سے زیادہ متحرک ہو جاتا ہے جس کے باعث بھی گنج پن کا خطرہ بڑھتا ہے، خصوصاً مردوں میں سر کے کسی مخصوص حصے کے بال اڑ جاتے ہیں، اس کے لیے طبی زبان میں الوپ پیسا کی اصطلاح استعمال کی جاتی ہے۔

تناؤ سے بالوں کی نشوونما کیسے متاثر ہوتی ہے؟

بالوں کی نشوونما کا عمل کئی مراحل پر مشتمل ہوتا ہے اور ہر مرحلے میں سر کے مختلف حصوں کے بال اگتے ہیں۔

زیادہ چائے پینے کے نقصانات جان لیں

چائے کو اعتدال میں رہ کر پینا ضروری ہوتا ہے اور زیادہ مقدار میں اسے پینے سے صحت کو منفی اثرات کا سامنا بھی ہو سکتا ہے۔

ایک تحقیق کے مطابق بالوں کی نشوونما کے مجموعی طور پر 4 مراحل ہوتے ہیں اور تناؤ کے شکار افراد میں یہ مراحل متاثر ہوتے ہیں، جس کے باعث بالوں کی نشوونما رک جاتی ہے جبکہ گرنے کی رفتار بڑھ جاتی ہے۔

ماہرین کے مطابق تناؤ کے نتیجے میں بالوں سے محرومی کی 3 اقسام کا خطرہ بڑھتا ہے۔

ان میں سے ایک قسم Telogen effluvium ہے جس کے دوران بالوں کی جڑوں کے افعال غیر متحرک ہو جاتے ہیں، جس کے باعث برش کرتے ہوئے یا دھوتے ہوئے بہت زیادہ تعداد میں بال ٹوٹ جاتے ہیں۔

اچھی بات یہ ہے کہ اس قسم کی تشخیص ہونے پر علاج ممکن ہے۔

دماغ کو صحت مند اور جوان رکھنے میں مددگار غذائی عادات

ایسی غذائی عادات کے بارے میں جانیں جو ہمارے دماغ کو جوان رکھنے میں مدد فراہم کرتی ہیں۔

دوسری قسم الوپ پیسا ہے جس کے شکار افراد کے جسمانی خلیات بالوں کی جڑوں پر حملہ آور ہو جاتے ہیں جس سے سر کے مختلف حصوں سے بال اڑنے لگتے ہیں۔

اگر تناؤ کے نتیجے میں الوپ پیسا کا سامنا ہو تو بالوں کی دوبارہ نشوونما ممکن ہے، مگر تناؤ پر قابو پانا ضروری ہوگا۔

تیسری قسم Trichotillomania ہے جس میں تناؤ کے شکار افراد اپنے سر کے بال کھینچ کر توڑنے لگتے ہیں اور ایسا کرنے پر بال دوبارہ نہیں اگتے۔