01 مارچ ، 2023 
پاکستان
الیکشن کمیشن کا اجلاس کل صبح 11 بجے دوبارہ ہوگا، اجلاس میں صدر کو خط لکھے جانے کا امکان ہے: ذرائع— فوٹو: فائل
انتخابات ازخود نوٹس فیصلہ، الیکشن کمیشن کا اجلاس کل دوبارہ طلب
01 مارچ ، 2023
پنجاب اور خیبرپختونخوا الیکشن ازخود نوٹس کیس میں سپریم کورٹ کے فیصلے کے بعد الیکشن کمیشن میں اجلاس منعقد ہوا۔
چیف الیکشن کمشنر سکندرسلطان راجہ کی زیرصدارت اجلاس میں پنجاب اور خیبر پختونخوا اسمبلی انتخابات کے معاملے پر غور کیا گیا۔
ذرائع نے بتایا کہ الیکشن کمیشن کا اجلاس کل صبح 11 بجے دوبارہ ہوگا، اجلاس میں صدر کو خط لکھے جانے کا امکان ہے۔
ذرائع کا کہنا ہے کہ الیکشن کمیشن کی جانب سے صدر کو پنجاب اسمبلی الیکشن کیلئے تاریخ تجویز کیے جانے کا امکان ہے۔
خیال رہے کہ سپریم کورٹ نے پنجاب اور خیبرپختونخوا الیکشن ازخود نوٹس کیس میں دونوں صوبوں میں انتخابات 90 دنوں میں کرانے کا حکم دیا ہے۔
