08 مارچ ، 2023 
گورنر خیبر پختونخوا کے خط میں استعمال الفاظ پر الیکشن کمیشن کا شدید برہمی کا اظہار
08 مارچ ، 2023
گورنر خیبر پختونخوا غلام علی کے سیکرٹری الیکشن کمیشن عمر حمید کو خط میں استعمال الفاظ پر الیکشن کمیشن نے شدید برہمی کا اظہار کیا ہے۔
ذرائع الیکشن کمیشن کا کہنا ہے کہ گورنر کا کام ہے کہ سپریم کورٹ کے فیصلے کی روشنی میں انتخابات کی تاریخ دیں، نہ کہ ہمیں احکامات دیں ۔
گورنر خیبر پختوانخوا غلام علی نے الیکشن کمیشن کو خط میں لکھا تھا کہ پرامن انتخابات کے انعقاد کے معاملات کے حوالے سے تیار ی کر کے آئیں۔
ذرائع کا کہنا ہے کہ الیکشن کمیشن نے گورنر خیبر پختوانخوا کے الفاظ پر شدید برہمی کا اظہار کیا اور کہا کہ گورنر نے مناسب استعمال الفاظ استعمال نہیں کیے۔
ذرائع الیکشن کمیشن کے مطابق امن و امان کے حوالے سے مشاورت گورنر سے نہیں متعلقہ حکام سے کرنی ہے، الیکشن کمیشن ایک آئینی ادارہ ہے، الیکشن کمیشن کسی سے احکامات نہیں لیتا، گورنر اپنا متعلقہ کام کریں۔
