28 مارچ ، 2023
ترکیہ پاکستان پارلیمانی فرینڈشپ کے چیئرمین اور صدر طیب اردوان کے مشیر علی شاہین سے کشمیری وفد نے ملاقات کی۔
کشمیری وفد کے سربراہ عبدالرشید ترابی اور حریت رہنما اعجاز احمد شاہ نے کشمیر کی تازہ ترین صورت حال پر انہیں بریفنگ دی۔
عبدالرشید ترابی کا کہنا تھاکہ بھارت کشمیر میں مسلمان آبادی کا تناسب تبدیل کررہاہے، کشمیریوں کی نسل کشی روکنے میں اوآئی سی مؤثر کردار ادا کرے۔
انہوں نے کہا کہ ترکیہ کے متاثرین زلزلہ سے اظہاریکجہتی اور جلد بحالی کی دعا کرتے ہیں۔
اس موقع پر علی شاہین کا کہنا تھاکہ ترکیہ اور کشمیر ایک ہیں، ترکیہ کی عوام کشمیری اور پاکستانی بہن بھائیوں کے ساتھ ہیں۔
انہوں نے کہا کہ کشمیری عوام کے ساتھ ہیں، ہمارا خون بھی ان کیلئے حاضر ہے، سرینگر کے آنسو ہمارے آنسو ہیں اور مظفرآباد کا مسئلہ ہمارا مسئلہ ہے۔
علی شاہین کا کہنا تھاکہ کشمیر پاکستان اورترکیہ ایک جسد واحد ہیں، ہم کشمیریوں کی جدوجہد آزادی میں منزل کے حصول تک ان کے شانہ بشانہ رہیں گے.
ان کا کہنا تھاکہ صدر ادروان نے ہر بین الاقوامی فورم پر مسئلہ کشمیر اجاگر کیا اور اس کے فوری حل کا تقاضہ کیا۔