امریکا کا ڈیمو کریسی سمٹ میں پاکستان کی عدم شرکت پر اظہار افسوس
31 مارچ ، 2023
امریکا نے ڈیمو کریسی سمٹ میں پاکستان کے شرکت نہ کرنے پر اظہار افسوس کیا ہے۔
ترجمان امریکی وزارت خارجہ ویدانت پٹیل نے پریس بریفنگ میں کہا ہے کہ پاکستان کے ساتھ گہری سکیورٹی پارٹنرشپ ہے، جمہوریت،انسانی حقوق،آزادی اظہار اور مذہب پر بات کرتے رہتے ہیں۔
انہوں نے کہا کہ سمٹ کے حوالے سے پاکستان فیصلہ کرنے کا اختیار رکھتا ہے، ڈیموکریسی سمٹ میں پاکستان کی شمولیت نہ کرنے پر افسوس ہے لیکن پھر بھی پاکستان کے ساتھ کام کرتے رہیں گے۔
ترجمان امریکی وزارت خارجہ کا کہنا تھا کہ امریکا اور پاکستان بہت سے ایشیوز پر مل کر کام کرتے ہیں۔
واضح رہے کہ ڈیمو کریسی سمٹ 29 سے 30 مارچ تک جاری رہی۔
