08 اپریل ، 2023 
عمران خان کی توشہ خانہ ریفرنس میں نااہلی کیخلاف درخواست سماعت کیلئے مقرر
08 اپریل ، 2023
سابق وزیراعظم عمران خان کی توشہ خانہ ریفرنس میں نااہلی کے خلاف درخواست سماعت کے لیے مقرر ہو گئی۔
اسلام آباد ہائیکورٹ کے چیف جسٹس عامر فاروق 19 اپریل کو سماعت کریں گے۔
الیکشن کمیشن نے عمران خان کو بطور رکن اسمبلی نااہل قرار دے کر ڈی سیٹ کیا تھا، عمران خان نے الیکشن کمیشن کے فیصلے کے خلاف ہائیکورٹ سے رجوع کر رکھا ہے۔
عمران خان کی درخواست پر عدالت نے الیکشن کمیشن کو میانوالی نشست پر الیکشن کرانے سے روک دیا تھا۔
عمران خان نے نااہلی کے خلاف پٹیشن واپس لینے کے لیے متفرق درخواست بھی دائر کر رکھی ہے، عدالت نے پٹیشن واپسی کی درخواست پر شکایت کنندہ اور دیگر فریقین کو نوٹسز جاری کر رکھے ہیں۔
یاد رہے کہ لاہور ہائیکورٹ میں بھی اسی نوعیت کی درخواست کے باعث پٹیشن واپسی کی متفرق درخواست دائر کی گئی تھی۔
