کچھ افراد جلد بڑھاپے کا شکار کیوں ہوتے ہیں؟ اہم وجہ دریافت

عمر میں اضافہ تو ایسا عمل ہے جس کو روکنا کسی کے لیے ممکن نہیں اور ہر گزرتے برس کے ساتھ بڑھاپے کے آثار قدرتی طور پر ہمارے چہرے کی جِلد پر نمایاں ہوتے ہیں۔

مگر روزمرہ کی مصروفیات کے دوران جس تناؤ کا سامنا ہوتا ہے وہ بڑھاپے کی جانب سفر تیز کر دیتا ہے۔

جلد بوڑھا کر دینے والی عام عادات

کیا آپ کو معلوم ہے کہ آپ کی چند عادات سے بھی بڑھاپے کی جانب سفر تیز ہو جاتا ہے۔

یہ انکشاف امریکا میں ہونے والی ایک طبی تحقیق میں سامنے آیا۔

ڈیوک یونیورسٹی اسکول آف میڈیسین کی ایک تحقیق میں دریافت کیا گیا کہ تناؤ کے نتیجے میں انسانوں اور جانوروں کی حیاتیاتی عمر میں برق رفتاری سے اضافہ ہوا ہے۔

ویسے تو ہر فرد کی عمر کا تعین تاریخ پیدائش (کرانیکل ایج) سے کیا جاتا ہے مگر طبی لحاظ سے ایک حیاتیاتی عمر (بائیولوجیکل ایج) بھی ہوتی ہے جو جسمانی اور ذہنی افعال کی عمر کے مطابق ہوتی ہے۔

کچھ افراد کو اکثر پیٹ میں اضافی گیس کے مسئلے کا سامنا کیوں ہوتا ہے؟

اس مسئلے کے دوران معدہ ہوا بھرنے سے پھول جاتا ہے جس کی متعدد وجوہات ہوسکتی ہیں۔

جینز، طرز زندگی اور دیگر عناصر اس حیاتیاتی عمر پر اثرات مرتب کرتے ہیں اور یہ عمر جتنی زیادہ ہوگی مختلف امراض کا خطرہ بھی اتنا زیادہ بڑھ جائے گا۔

اسی سے یہ عندیہ بھی ملتا ہے کہ ہم کتنی تیز رفتاری سے بڑھاپے کے شکار ہو رہے ہیں۔

اس نئی تحقیق میں دریافت کیا گیا کہ تناؤ کے نتیجے میں چند دن یا مہینوں میں حیاتیاتی عمر میں اضافہ ہوتا ہے۔

ڈپریشن سے نجات دلانے کے لیے بہترین غذائیں

ڈپریشن محض 'دماغ' تک محدود رہنے والا مرض نہیں بلکہ اس کے نتیجے میں جسم بھی متاثر ہوتا ہے۔

محققین نے بتایا کہ ماضی میں تحقیقی رپورٹس میں اس طرح کا عندیہ دیا گیا تھا کہ تناؤ سے مختصر مدت تک حیاتیاتی عمر میں تبدیلیاں آتی ہیں مگر اب تک اس بارے میں زیادہ کچھ معلوم نہیں تھا۔

انہوں نے مزید بتایا کہ یہ بھی پہلے معلوم نہیں تھا کہ کیا حیاتیاتی عمر میں اضافے کو ریورس کرنا ممکن ہے یا نہیں اور ایسے کیا واقعات ہوتے ہیں جو ان تبدیلیوں کا باعث بنتے ہیں۔

اسی مقصد کے لیے محققین نے انسانوں اور چوپوں کی حیاتیاتی عمر میں آنے والی تبدیلیوں کا جائزہ لیا۔

شوگر ٹیسٹ کب کرانا چاہیے؟

ذیابیطس ٹائپ ٹو کے بیشتر مریضوں کو اکثر بیماری کا علم ہی نہیں ہوتا تو یہ ضروری ہے کہ بلڈ شوگر چیک اپ کرانا معمول بنالیا جائے۔

اس مقصد کے لیے 3 ماہ سے 20 ماہ کی عمر کے چوہوں کی جانچ پڑتال کی اور نتائج سے معلوم ہوا کہ تناؤ کے ردعمل میں بہت کم وقت میں حیاتیاتی عمر میں اضافہ ہوتا ہے۔

مگر تحقیق میں یہ بھی دریافت کیا گیا کہ تناؤ پر قابو پانے سے حیاتیاتی عمر میں آنے والی تبدیلیوں کو ریورس کرنا ممکن ہے۔

محققین نے بتایا کہ اس سے قبل کبھی یہ بات سامنے نہیں آئی تھی کہ تناؤ کے باعث حیاتیاتی عمر میں آنے والی تبدیلیوں کو ریورس کرنا ممکن ہے۔

چائے پینے سے جسم پر مرتب ہونے والے اہم اثر کا انکشاف

چائے، کافی یا سادہ پانی کا زیادہ استعمال ذیابیطس کے مریضوں کو قبل از وقت موت سے تحفظ فراہم کرتا ہے۔

تحقیق کے مطابق مختلف واقعات جیسے سرجری، حمل اور کووڈ 19 کے نتیجے میں انسانوں میں تناؤ کی شدت بڑھتی ہے جس کے باعث حیاتیاتی عمر میں اضافہ ہوتا ہے۔

محققین نے بتایا کہ نتائج سے عندیہ ملتا ہے کہ شدید تناؤ سے حیاتیاتی عمر میں اضافہ ہوتا ہے جس سے مختلف امراض سے موت کا خطرہ بڑھتا ہے، البتہ تناؤ پر قابو پاکر اس خطرے میں کمی لانا ممکن ہے۔

انہوں نے مزید کہا کہ حیاتیاتی عمر جسمانی تناؤ کو جانچنے کا ایک مفید پیمانہ ثابت ہوسکتی ہے۔

اس تحقیق کے نتائج جرنل سیل میٹابولزم میں شائع ہوئے۔