کم کھانے کے باوجود موٹاپے کا شکار بنانے والی عام عادت دریافت

کیا آپ جسمانی وزن میں اضافے یا توند نکلنے سے پریشان ہیں؟

اگر ہاں تو ہو سکتا ہے کہ ایسا آپ کی ایک عام عادت کا نتیجہ ہو۔

یہ انتباہ کچھ عرصے قبل ایک طبی تحقیق میں سامنے آیا جس میں بتایا گیا کہ کم کھانے یا ورزش کرنے کے باوجود موٹاپے یا توند نکلنے جیسے مسائل کے پیچھے لوگوں کی ایک عام غذائی عادت چھپی ہوتی ہے۔

امریکا کے Brigham and Women's Hospital کی تحقیق میں بتایا گیا کہ رات گئے کھانا کھانے کی عادت براہ راست جسمانی وزن میں اضافے کا باعث بنتی ہے جبکہ جسمانی چربی ذخیرہ کرنے کا طریقہ بھی بدل جاتا ہے۔

خراٹوں سے کن خطرناک امراض کا خطرہ بڑھ جاتا ہے؟

ماضی میں تحقیقی رپورٹس میں نیند کے مسائل اور دماغی تنزلی کے امراض جیسے ڈیمینشیا کے درمیان تعلق کو دریافت کیا گیا تھا۔

اس سے قبل بھی تحقیقی رپورٹس میں کھانے کے اوقات اور جسمانی وزن میں تعلق کو دریافت کیا گیا تھا مگر اس تحقیق میں زیادہ باریک بینی سے جانچ پڑتال کی گئی۔

تحقیق میں 16 ایسے افراد کو شامل کیا گیا جن کا جسمانی وزن زیادہ تھا یا وہ موٹاپے کے شکار تھے۔

ہر فرد کے ساتھ 6، 6 دن کے 2 تجربات کیے گئے اور اس کے بعد کئی ہفتوں تک غذا کو سختی سے کنٹرول کیا گیا۔

درمیانی عمر میں بہترین جسمانی فٹنس کا آسان راز جان لیں

صحت بخش غذا اور بہترین جسمانی فٹنس کے درمیان تعلق موجود ہے۔

ایک تجربے میں رضاکاروں کو دن بھر میں 3 مخصوص اوقات میں کھانے کی ہدایت کی گئی، یعنی ناشتہ صبح 9 بجے، دوپہر کا کھانا ایک بجے جبکہ رات کا کھانا شام 6 بجے کھلایا گیا۔

دوسرے تجربے میں رات کا کھانا زیادہ تاخیر سے کھانے کی ہدایت کی گئی۔

دونوں تجربات کے دوران رضاکاروں کے خون کے نمونوں لیے گئے جبکہ سوالنامے بھروائے گئے۔

ذہنی امراض کے شکار افراد میں فالج اور ہارٹ اٹیک کا خطرہ بڑھ جاتا ہے، تحقیق

ذہنی امراض کا سامنا کرنے والے افراد میں اگلے 8 برسوں کے دوران ہارٹ اٹیک یا فالج کا خطرہ نمایاں حد تک بڑھ جاتا ہے۔

نتائج سے معلوم ہوا کہ رات گئے کھانے سے جسم کی چربی ذخیرہ کرنے کی صلاحیت میں تبدیلی آئی اور چربی زیادہ جمع ہونے لگی۔

اس کے ساتھ ساتھ بھوک زیادہ لگنے لگی جبکہ جسم کم کیلوریز جلانے لگا، یہ دونوں عناصر جسمانی وزن میں اضافے اور توند نکلنے کا خطرہ بڑھاتے ہیں۔

محققین نے بتایا کہ موٹاپے سے دیگر طبی مسائل جیسے ذیابیطس اور کینسر کا خطرہ بھی بڑھتا ہے۔

روزانہ آفس آنے جانے سے جسم پر مرتب ہونے والا حیرت انگیز اثر

کبھی کسی نے سوچا بھی نہیں ہوگا کہ آفس آنا جانا جسم پر عجیب اثرات مرتب کرتا ہے۔

انہوں نے کہا کہ رات کا کھانا جلد کھانے سے جسمانی توانائی میں توازن پیدا ہوتا ہے جبکہ موٹاپے کا خطرہ کم ہو جاتا ہے، جبکہ لوگوں کے لیے ورزش کرنے یا صحت بخش غذا کے استعمال جیسی عادات کو برقرار رکھنا بھی آسان ہو جاتا ہے۔

انہوں نے مزید بتایا کہ اب ہم جان چکے ہیں کہ رات گئے کھانے کی عادت سے موٹاپے، توند نکلنے اور جسمانی وزن میں کمی لانے میں ناکامی کے خطرات کیوں بڑھ جاتے ہیں۔

اب محققین زیادہ بڑے پیمانے پر تحقیق کو آگے بڑھانے کی منصوبہ بندی کر رہے ہیں جس میں رویوں اور ماحولیاتی عناصر کو بھی مدنظر رکھا جائے گا۔

طرز زندگی میں چند عام تبدیلیوں سے جسمانی وزن میں کمی لانا آسان ہو جاتا ہے، تحقیق

جسمانی وزن میں کمی لانا اتنا مشکل نہیں، بس طرز زندگی میں چند عادات کو اپنانے سے مدد مل سکتی ہے۔

اس تحقیق کے نتائج جرنل سیل میٹابولزم میں شائع ہوئے۔