18 مئی ، 2023 
سندھ ہائیکورٹ نے بچوں سے زیادتی کے مقدمے میں سارنگ شر کی بریت کا نوٹس لے لیا
18 مئی ، 2023
سندھ ہائیکورٹ نے خیر پور میرس میں بچوں سے زیادتی کے مقدمے میں ملزم سارنگ شر کی بریت کا نوٹس لے لیا۔ عدالت نے ٹرائل کورٹ سے کیس کا مکمل ریکارڈ طلب کرلیا ہے۔
سندھ ہائیکورٹ نے خیر پور میرس میں بچوں سے زیادتی کے کیس میں ٹرائل کورٹ کی جانب سے ملزم سارنگ شر کی بریت کا نوٹس لے لیا۔
ہائیکورٹ نے ٹرائل کورٹ سے کیس کا مکمل ریکارڈ طلب کرتے ہوئے ایس ایس پی جیکب آباد کے ذریعے ملزم سارنگ شر کو نوٹس جاری کردیے۔
عدالتی معاون نے عدالت کو بتایا کہ خیرپور میرس میں بچوں سے زیادتی کا ملزم سارنگ شر بری ہوچکا ہے، سارنگ شر کے کیس میں بچوں سے زیادتی کی ویڈیوز کا فرانزک نہیں کرایا گیا ہے۔ پراسیکیوشن نے ویڈیوز کے فرانزک کی درخواست کی تھی مگر ٹرائل کورٹ نے مسترد کردی تھی۔
سیشن کورٹ نے مارچ 2023 میں سارنگ شر کو بچوں سے زیادتی کیس میں بری کردیا تھا۔
