گردوں میں پتھری کی عام علامات اور نشانیاں

گردوں کی پتھری ایک بہت عام مرض ہے اور ہر سال دنیا بھر میں لاکھوں افراد میں اس کی تشخیص ہوتی ہے۔

گردوں کی یہ پتھری بنیادی طور پر سخت منرل ذرات ہوتے ہیں جو عموماً اتنے چھوٹے ہوتے ہیں کہ پیشاب کے راستے جسم سے خارج ہو جاتے ہیں۔

گردے جب خون میں موجود کچرے کو فلٹر کرتے ہیں تو کئی بار نمکیات اور دیگر منرلز آپس میں مل کر پتھری کی شکل اختیار کرلیتے ہیں۔

اگر پتھری کا حجم زیادہ ہو تو پھر ان کو نکالنے یا توڑنے کے لیے طبی معاونت کی ضرورت ہوتی ہے۔

وہ اثرات جو روزانہ چائے پینے سے جسم پر مرتب ہوتے ہیں

ہر سال 21 مئی کو اقوام متحدہ کے زیرتحت چائے کا عالمی دن منایا جاتا ہے۔

یہ مسئلہ ذیابیطس یا موٹاپے کے شکار افراد میں زیادہ عام ہوتا ہے مگر عام افراد کو بھی اس کا سامنا ہو سکتا ہے۔

اگر پتھری سے پیشاب کی نالی بند ہونے لگے تو یہ مسئلہ بہت تکلیف دہ ثابت ہوتا ہے۔

اس کی چند علامات اور نشانیاں درج ذیل ہیں۔

کچھ افراد کے ہاتھوں کی رگیں بہت زیادہ ابھری ہوئی کیوں ہوتی ہیں؟

یہ کوئی طبی مسئلہ نہیں مگر کچھ افراد کو لگتا ہے کہ اس سے ان کے ہاتھ بدصورت ہوگئے ہیں یا بڑھاپا ظاہر ہورہا ہے۔

کمر، پیٹ یا پہلو میں تکلیف

گردوں کی پتھری کی تکلیف بہت زیادہ ہوتی ہے اور کچھ افراد کے مطابق ایسا لگتا ہے جیسے خنجر سے ان پر وار کیے جا رہے ہیں۔

یہ تکلیف اس وقت ہوتی ہے جب پتھری پیشاب کی نالی سے گزرنے لگتی ہے جس سے راستہ بلاک ہوتا ہے اور گردوں پر دباؤ بڑھتا ہے۔

یہ تکلیف اکثر اچانک شروع ہوتی ہے اور اس کی شدت میں تبدیلی آتی رہتی ہے۔

آپ کی وہ عام عادات جو نظر کی کمزوری کا باعث بنتی ہیں

عمر اور موروثی اثرات سے ہٹ کر طرز زندگی کی چند عام عادات بھی آپ کو چشمہ پہننے پر مجبور کر سکتی ہیں۔

مریضوں کو عموماً پہلو اور کمر میں پسلی کے نیچے تکلیف کا احساس ہوتا ہے مگر اس کی لہریں پیٹ میں بھی محسوس کی جاسکتی ہیں۔

پیشاب کرنے کے دوران تکلیف یا جلن کا احساس

جب پتھری پیشاب کی نالی اور مثانے کی درمیانی حد تک پہنچ جاتی ہے تو پیشاب کرنے کے دوران تکلیف کا احساس ہونے لگتا ہے۔

تکلیف کے ساتھ جلن کا احساس بھی ہوتا ہے۔

دن بھر میں زیادہ وقت بیٹھ کر گزارنے سے جسم پر کیا اثرات مرتب ہوتے ہیں؟

اگر آپ میں یہ عادت موجود ہے تو اس عادت کے اثرات جان کر دنگ رہ جائیں گے۔

زیادہ پیشاب آنا

اچانک تیز پیشاب آنے کا احساس یا معمول سے زیادہ پیشاب کرنے کے لیے جانے کی خواہش بھی گردوں میں پتھری کی ایک اور نشانی ہے۔

ایسے مریضوں کو دن رات بار بار ٹوائلٹ کا رخ کرنا پڑتا ہے۔

پیشاب میں خون آنا

گردوں کی پتھری کا سامنا کرنے والے افراد کے پیشاب میں خون کا نظر آنا عام علامت ہے۔

وہ عام عادات جو جوڑوں کی تکلیف کا شکار بنا دیتی ہیں

کیا آپ کو معلوم ہے کہ چند عام عادات اور چیزیں بھی جوڑوں کے امراض کا شکار بنانے کا باعث بنتی ہیں؟

پیشاب کی مقدار گھٹ جانا

گردوں کی بڑی پتھری اگر نالی میں پھنس جائے تو پیشاب کا بہاؤ سست یا رک جاتا ہے۔

اس کے باعث ہر بار بہت کم مقدار میں ہی سیال باہر نکلتا ہے اور یہ میڈیکل ایمرجنسی کی نشانی ہے۔

قے اور متلی

اس مسئلے کے شکار افراد میں قے اور متلی کی شکایت عام ہوتی ہے۔

گرم موسم میں انڈے کھانے سے کوئی نقصان تو نہیں ہوتا؟

ایک خیال اکثر سامنے آتا ہے کہ گرم موسم میں انڈے کھانے سے گریز کرنا چاہیے کیونکہ ان کی تاثیر گرم ہوتی ہے۔

گردوں اور غذائی نالی کے درمیان موجود اعصابی کنکشنز پتھری کے باعث متحرک ہوتے ہیں جبکہ کئی بار یہ شدید تکلیف کے خلاف جسم کا ردعمل بھی ہوتا ہے۔

بخار اور ٹھنڈ لگنا

بخار اور ٹھنڈ لگنا گردوں یا پیشاب کی نالی کے کسی انفیکشن کی بھی نشانیاں ہیں۔

البتہ گردوں کی پتھری سے متاثر ہونے پر یہ سنگین پیچیدگیاں ثابت ہوتی ہیں اور اس سے عندیہ ملتا ہے کہ پتھری سے ہٹ کر بھی دیگر سنگین مسائل کا سامنا ہے۔

کہیں آپ بھی ٹوتھ برش باتھ روم میں رکھنے کی غلطی تو نہیں کر رہے؟ اسکا بڑا نقصان جان لیں

ٹوتھ برش کو کبھی بھی ٹوائلٹ کے قریب نہ رکھیں، کوشش کریں اسے اپنے کمرے میں رکھیں اور جب برش کرنا ہو تب استعمال کریں۔

گردوں کی تکلیف کے ساتھ بخار ہونے پر فوری طبی امداد کے لیے رجوع کرنا چاہیے۔

بدبودار یا جھاگ والا پیشاب

یہ بھی گردوں میں انفیکشن کی نشانی ہوتی ہے۔

ایک تحقیق میں دریافت کیا گیا کہ گردوں کی پتھری کے شکار 16 فیصد افراد کو پیشاب کی نالی میں سوزش کے مسئلے کا بھی سامنا ہوتا ہے۔

ہائی بلڈ پریشر کی علامات کیا ہوتی ہیں اور اس سے بچنے کے آسان طریقے کیا ہیں؟

ہائی بلڈ پریشر کو خاموش قاتل مرض قرار دیا جاتا ہے کیونکہ اس کے شکار افراد کو اکثر اس کا علم ہی نہیں ہوتا۔

کن افراد میں اس مسئلے کا خطرہ زیادہ ہوتا ہے؟

مردوں میں اس مسئلے کا امکان زیادہ ہوتا ہے یا اگر ماضی میں اس کا سامنا ہو چکا ہے تو اس کے دوبارہ لوٹنے کا خطرہ زیادہ ہوتا ہے۔

خاندان میں اس مرض کی تاریخ، مناسب مقدار میں پانی نہ پینا، غذا میں پروٹین، نمک اور چینی کا زیادہ استعمال، موٹاپا، ذیابیطس، جوڑوں کے امراض اور سرخ گوشت کا زیادہ استعمال گردوں کی پتھری کا خطرہ بڑھانے والے اہم عناصر ہیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔