06 جولائی ، 2023 
ذکا اشرف سے ملاقات، حفیظ کو پی سی بی میں اہم ذمہ داریاں ملنے کا امکان
06 جولائی ، 2023
پاکستان کرکٹ بورڈ کی مینجمنٹ کمیٹی کے چیئرمین ذکا اشرف کی سابق ٹیسٹ کرکٹر محمد حفیظ سے ملاقات ہوئی جس کے بعد سابق ٹیسٹ کرکٹر کو پی سی بی کے نئے سیٹ اپ میں اہم ذمہ داریاں ملنے کا امکان ظاہر کیا جا رہا ہے۔
ذرائع کے مطابق ملاقات میں محمد حفیظ نے ذکا اشرف کو چیئرمین مینجمنٹ کمیٹی بننے پر مبارکباد دی اور محمد حفیظ کا کہنا تھا ذکا اشرف اچھے ایڈمنسٹریٹر ہیں، ان کی دل سے عزت کرتا ہوں۔
محمد حفیظ کا کہنا تھا پاکستان کرکٹ کی بہتری کے لیے اچھی پیشکش آئی تو ضرور قبول کروں گا۔
ذرائع کا بتانا ہے کہ چیئرمین پی سی بی مینجمنٹ کمیٹی ذکا اشرف نے محمد حفیظ کو چیف سلیکٹر کے عہدے کی پیشکش کر دی ہے۔
ذرائع کا کہنا ہے کہ سابق ٹیسٹ کرکٹر یونس خان اور سلیم یوسف کو بھی سلیکشن کمیٹی میں ذمہ داریاں ملنے کا امکان ہے جبکہ محسن حسن خان کو بھی سلیکشن کمیٹی میں ذمہ داری مل سکتی ہے۔
ذرائع کے مطابق محمد حفیظ اور ذکا اشرف کے درمیان ہونے والی ملاقات میں پی سی بی کے نئے سیٹ اپ میں سابق اسپیڈ اسٹار شعیب اختر کو شامل کرنے پر بھی بات ہوئی ہے۔
یاد رہے کہ ذکا اشرف نے گزشتہ روز ہی چیئرمین پی سی بی مینجمنٹ کمیٹی کی ذمہ داریاں سنبھالی ہیں اور ابتدائی طور پر ان کی تقرری 4 ماہ کے لیے ہوئی ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
