24 جولائی ، 2023 
پاکستان
اہل علاقہ کے بتانے پر پولیس نے ملزم کو حراست میں لیا تو اس نے اعتراف جرم کر لیا۔
شیخوپورہ: غیرت کے نام پر بیٹی کو قتل کر کے لاش کمرے میں دفنانے والا ملزم گرفتار
24 جولائی ، 2023
شیخوپورہ کے علاقے مانا نوالہ میں باپ نے غیرت کے نام پر بیٹی کو قتل کر کے لاش گھر کے کمرے میں دفنا دی۔
پولیس کے مطابق ملزم فلک شیر نے تین ماہ قبل اپنی بیٹی کو غیرت کے نام پر چھری کے وار کرکے قتل کر دیا تھا اور اپنا جرم چھپانے کے لیے مقتولہ کی لاش کو اپنے گھر کے ایک کمرے میں دفن کر دیا تھا۔
مقامی پولیس کا کہنا ہے کہ اہل علاقہ اور رشتے داروں کے پوچھنے پر ملزم نے بتایا تھا کہ اس کی بیٹی کہیں چلی گئی ہے، تین ماہ گزرنے پر اہل علاقہ کو ملزم پر شک ہوا تو انھوں نے پولیس کو اطلاع دی جس پر پولیس نے ملزم فلک شیر کو حراست میں لیا تو اس نے اعتراف جرم کرتے ہوئے لاش برآمد کرائی۔
