06 اگست ، 2023 
گلوبل ٹی ٹوئنٹی: پاکستانی کھلاڑی کی تباہ کن بولنگ، مخالف ٹیم کے ہوش اڑادیے
06 اگست ، 2023
کینیڈا کی گلوبل ٹی ٹوئنٹی میں پاکستان کے عباس آفریدی نے تباہ کن بولنگ کا مظاہرہ کرتے ہوئے مخالف ٹیم کے ہوش ٹھکانے لگادیے۔
گلوبل ٹی ٹوئنٹی کی ٹیم مونٹیریال ٹائیگرز کی جانب سے کھیلتے ہوئے عباس آفریدی نے وینکوور کیخلاف ہیٹ ٹرک سمیت 5 وکٹیں حاصل کرلیں۔
عباس آفریدی نے کوربن بوش، رسی ون ڈرڈسن اور نجیب زدران کو آؤٹ کرکے اپنی ہیٹ ٹرک مکمل کی۔
میچ کے دوران 22 سالہ عباس آفریدی نے فیبیئن ایلین اور ورتیا اروند کی وکٹیں بھی حاصل کیں۔
فاسٹ بولر نے اپنے 4 اوورز میں مجموعی طور پر 29 رنز دے کر 5 وکٹیں حاصل کیں۔
عباس آفریدی اس سال پاکستان سپر لیگ (پی ایس ایل) کے کامیاب ترین بولر بھی تھے، انہوں نے ملتان سلطانز سے کھیلتے ہوئے پی ایس ایل 2023 میں 23 وکٹیں حاصل کی تھیں۔
واضح رہے کہ عباس آفریدی پاکستان کیلئے انڈر 19 ٹیم کی نمائندگی بھی کرچکے ہیں۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
