11 اگست ، 2023 
پاکستان
چیف آف وزیرستان ملک نصراللہ خان کے خلاف مقدمہ ایس ایچ او رزمک رسول گل خان کی مدعیت میں درج کیا گیا— فوٹو: فائل
شمالی وزیرستان : انسداد پولیو مہم کے بائیکاٹ کے اعلان پر قبائلی ملک کیخلاف مقدمہ درج
11 اگست ، 2023
شمالی وزیرستان میں انسداد پولیو مہم کے بائیکاٹ کے اعلان پر قبائلی ملک کے خلاف مقدمہ درج کر لیا گیا۔
چیف آف وزیرستان ملک نصراللہ خان کے خلاف مقدمہ ایس ایچ او رزمک رسول گل خان کی مدعیت میں درج کیا گیا۔ مقدمہ میں امن عامہ میں خلل ڈالنے، سرکاری اداروں کو دھمکی دینے سمیت متعدد دفعات شامل ہیں۔ درج مقدمہ میں کہا گیا ہے کہ رزمک میں دفعہ 144 کے باوجود سیکڑوں لوگوں کو جمع کیا گیا، اشتعال انگیز، شرانگیز اور نفرت انگیز خطاب میں ریاست کی عمل داری کو چیلنج کیا گیا۔
