دبئی …پاکستان اور انگلینڈ کے درمیان دبئی کے انٹرنیشنل اسٹیڈیم میں کھیلے جانے والے پہلے ٹی 20میچ کے لیے ہونے والا ٹاس انگلش کپتان اسٹورٹ براڈ نے جیت کر پاکستان کو پہلے بیٹنگ کی دعوت دی ہے۔پاکستان نے اس میچ کے لیے اپنی ٹیم میں تین تبدیلیاں کی ہیں، اور چوتھے ایک روزہ میچ میں شریک اوپنر اظہر علی،اسپنر عبدالرحمن اور وکٹ کیپر عدنان اکمل کو ٹیم میں شامل نہیں کیا ہے اورانکی جگہ حماد اعظم، اویس ضیاء اور عمرگل کو لیا گیا ہے۔پاکستان کی سائیڈ آج ان پلیئرز پر مشتمل ہے۔کپتان مصبا ح الحق، محمد حفیظ، اویس ضیاء، اسد شفیق ، عمر اکمل، شاہد خان آفریدی،شعیب ملک ،حماد اعظم ،عمر گل، سعید اجمل اور جنید خان ۔جبکہ انگلش ٹیممیں کیون پیٹرس، کیسویٹر،روہن بوپارہ،ایون مورگن،بیرسٹو،بٹلر،سمیت پٹیل،اسٹورٹ براڈ(کپتان)،سوان اور اسٹیفن فن شامل ہیں۔یاد رہے کہ اس سیریز میں اب تک ہونے والے دوفورمیٹ میں سے ایک میں پاکستان نے انگلینڈ کو وائٹ واش کیا جبکہ دوسرے فورمیٹ میں انگلینڈ نے پاکستان کو اسی صورتحال سے دوچار کیا اور اب یہ اس سیریز کا تیسرا اور آخری فورمیٹ ہے جس میں تین ٹی ٹوئنٹی میچز کھیلے جائیں گے اور آج اس سلسلے کا پہلا میچ شروع ہوگیا ہے۔