20 اگست ، 2023 
پاکستان
گاڑی میں 13 مزدور سوار تھے، دہشت گردوں نے گاڑی کو بارودی مواد سے اڑایا: حکام— فوٹو:فائل
شمالی وزیرستان میں دھماکا، 11 مزدور جاں بحق
20 اگست ، 2023
شمالی وزیرستان کی تحصیل شوال میں دہشت گرد حملے میں 11 افراد جاں بحق ہوگئے۔
ڈپٹی کمشنر ریحان گل کے مطابق دہشت گردوں نے ایک گاڑی کو بارودی مواد سے اڑایا جس کے نتیجے میں گاڑی میں سوار 11 مزدور جاں بحق ہوگئے۔
حکام نے بتایاکہ گاڑی میں 13 مزدور سوار تھے، دھماکے میں 2 افراد شدید زخمی ہوئے، جبکہ جاں بحق افراد کی لاشوں اور زخمیوں کواسپتال منتقل کردیاگیا۔
حکام کا کہنا ہےکہ جاں بحق افرادکا تعلق جنوبی وزیرستان کی تحصیل مکین اور وانا سے تھا۔
