23 اگست ، 2023 
پاکستانی طالب علم نے امریکا میں اینی میشن کا عالمی مقابلہ جیت لیا
23 اگست ، 2023
پاکستانی طالب علم نے امریکا میں اینی میشن کا عالمی مقابلہ جیت کر ایم ایس آئی کریئیٹر ایوارڈ اپنے نام کر لیا۔
شمالی وزیرستان کے میٹرک کے طالب علم کامران نے مائیکرو اسٹار انٹرنیشنل (ایم ایس آئی) کریئیٹر ایوارڈ 2023 کی پیپل چوائس اینی میشن کٹیگری میں پہلی پوزیشن حاصل کی۔
جیو نیوز سے گفتگو کرتے ہوئےکامران خان کا کہنا تھا کہ اینی میشن کیٹیگری کا عالمی مقابلہ پبلک ووٹنگ سے جیت کر پاکستان کا نام روشن کیا، میری بنائی ہوئی اینی میشن دنیا میں پسند کی گئی۔
ان کا کہنا تھا کہ عالمی مقابلہ جیتنے سے انہیں حوصلہ ملا اب اینی میشن کی دنیا میں خود کو منواؤں گا۔
واضح رہے کہ اینی میشن کے عالمی مقابلے میں ایوارڈ اپنے نام کرنے والے پاکستانی طالب علم محمد کامران نے حالیہ میٹرک امتحان میں بھی 968 نمبر حاصل کئے ہیں۔
